Kidung Pasamuan Kristen Anyar

Dari Kidung

Langsung ke: navigasi, cari

Revisi per 12:51, 11 September 2012

http://1.bp.blogspot.com/-SSkPIdrmOiw/TiF9uvc7FMI/AAAAAAAAAls/RuzJPiPFCcc/s1600/KPKE.jpg

http://kpkenggal.blogspot.com/

Kidung Pasamuan Kristen 1. ALLAH MAHA KWASA

1. Bumi dalah saisinya kang nitahken yeku Gusti

tinalesan srana samodra tumumpang ing kali kali

yekti Allah Maha kwasa yogya tansah pinuji puji.

2. Kang kepareng ngabyantara aneng pedaleman suci,

kang resik tangan wah manahnya, tan nate dosa ing lathi,

yeku tyang mursid sanyata setya tansah dumugeng janji.

3. Berkahing Pangeran tumrah mring tyang ajrih asih yekti,

gesang tentrem rahayu tansah wit kaadilaning Gusti,

tyang kang tansah ngudi Allah kangen Gusti rina Ian wengi.

4. Gapuraning Padaleman kangkata mrih omber sestu,

krana Sang Ratuning kamulyan badhe langkung tindak mlebu,

yeku Gustining kaswargan Kang Mahakawasa Allahmu.

Kidung Pasamuan Kristen 2. ALLAH MBABARKEN KWASANYA

1. Allah mbabarken kwasanya pra kang nglawan kasirnakna lir lilin kenging brama,

nging gung tyang mursid raharja memuji lan sukarena ngarseng Allah Ma mulya,

Pangeran jumeneng Rama tumrap salir tyang sangsara

ngluwari tyang siniya temahan ngraosken begja

dene tyang wangkot mbalela siniksa bebendunya.

2. Allah mbelani pra umat ngagem sarana mukjijad wah salir kang neng jagad,

Pangeran ngrentahken berkah kang ngrimat sagunging titah temah kraharjan anjrah,

wit kadarmaning Pangeran tyang tinindhes kaluwaran,

datan wonten panandhang ing rehing ratu kaswargan,

yeku kang wadya balanya tyang nyebar kabar adya

3. Allah ratu kaadilan wus ngasorken pra adigang temah kasurang-surang,

nging tyang ringkih ingauban pinaringan gung kabegjan karoban kaluberan,

Gusti miji pasucennya papan puruging manungsa, samya saos pisungsung

konjuk mring Allah Maagung dalah kang swau mbalela nggih samya asung puja.

4. Allah Juru Slamet yekti ngentas pra umat sing pati temah samya basuki,

para umat kang ngabekti dalah salumahing bumi samya nggunggung mring Gusti,

sestu Allah Maha luhur yogya pinuji Ian masmur, nungkula neng ngarsanya

wit mung Gusti Kang Makwasa, yeku kang ngganjar kamulyan wah paring kakiyatan.

Kidung Pasamuan Kristen 3. GUSTI ALLAH ANDEL-ANDEL SEJATI

1. Nyawaku pujinen Allah Gusti mulyakna tansah

slawase sinungan umur luhurna srana masmur

krana tuking kraharjan yekti namung Pangeran.

2. Andel-andel kang sejati sajuga yeku Gusti,

salir jalma tanpa daya kwasane enggal sima,

tyang kang ngayom mring Allah tansah rinoban berkah.

3. Allah kang nitahken jagad kasetyane tan kendhat,

mbela tyang kinaniaya nulungi tyang sangsara,

njejegken kaadilan ngluwari pra lelaran.

4. Pangeran Allah Maasih ngrojongi tyang kang ringkih,

mbombong tyang sisah manahnya nyarasken tyang kang wuta,

tyang mursid den kasihi wah ngrukti tyang ketrini.

5. Pangeran jumeneng raja pangrehe ing slaminya,

tan nguciwakken kang nenga gya nylametken urnatnya,

sagunging tyang pracaya ngidungna Haleluya.

Kidung Pasamuan Kristen 4. HALELUYA

1. Haleluya Pangeran aneng papan pamujan

pinujia asmanya dalah aneng akasa,

wit Gusti Allah Makwasa kamulyannya Ma Adi

ngungkuli kang gung edi munggwing swarga Ian ing bumi.

2. Linuhuma Hyang Agung klayan sagunging kidung,

binarung salir gangsa wah kang ngungelken swara,

geguritan dalah beksa makluk kang darbe nyawa,

ngluhurna Hyang Makwasa sru ngidungna Haleluya

Kidung Pasamuan Kristen 5. PAMUJI KONJUK GUSTI

1. Pinuji puji Gusti kang nitahken jagad raya

Nggih siyang dalah ratri tansah luber sihrahmatnya,

Donya gingsir wah sirna sihnya langgeng slaminya

2. Pinuji puji Gusti nggih Allah kang Mahamirah,

pra umat kang ngabekti tinuwukken klayan berkah,

salir ingkang pinanggya dados margining begja.

3. Pinuji-puji Gusti Hyang Maluhur Mahasuci,

kang nucekken manungsa srana tinebus sing dosa,

wah tinuntun mring swargi mrih kraharjan sejati.

Kidung Pasamuan Kristen 6. PAMUJI ING PANGIBADAH

1. Dhuh Allah Ma suci kula asung puji ing pangibadah puniki

agung kamulyanta ageng sih Paduka kang nitahken jagad raya

pinuji Hyang Widi kang siyang lan ratri ngreksa lan ngrimati.

2. Dhuh Allah Makwasa kanthi trusing driya, kawula nlangsani dosa,

mugi angapunten sarta nucekaken, temah gesang kula ayem,

pinuja Sang Rama kang ngutus Sang Putra, jumeneng Pamarta.

3. Dhuh Allah Mamirah sru adrenging manah kula sami nyadhong berkah,

nggih sabda kang suci sabdanipun Gusti, kang paring gesang sejati,

pinuji Roh Suci kang ngenggalken budi, nilar gesang lami.

4. Dhuh Allah Maluhur kula saos sokur dalah pisungsung kang katur,

bandha sarta badan miwah kasagedan, dadosa kurban kang gesang,

pinundhi Roh Suci ingkang mbereg ati, bekti dhateng gusti.

Kidung Pasamuan Kristen 7. PUJI KONJUK ALLAH

1. Puji konjuk Allah Rama puji konjuk Sang Putra

puji konjuk Sang Roh Suci Juru slamet sejati,

Haleluya, Haleluya Juru slamet sejati.

2. Pinuji Ratuning swarga Gustine pra manungsa,

nggih Ratuning pasamuwan Ratu sumbering gesang,

Haleluya, Haleluya Ratu sumbering gesang.

3. Pinuji Allah Makwasa kang nitahken jagad rat,

wah milujengken manungsa krana gunging sih rahmat,

Haleluya, Haleluya krana gunging sih rahmat.

Kidung Pasamuan Kristen 8. ALLAH MAASIH

1. Allah Ma asih asung putranya Allah Ma asih mring manungsa.

mila kula ngidung Allah Ma asih Allah Ma asih mring manungsa.

2. Gusti ingutus dadya pamarta, Gusti ingutus nebus kula.

3. Gusti Pamarta nombokken nyawa, Gusti Pamarta mbirat dosa.

4. Gusti marasken salir prihatin, Gusti nyirnakken ajrih kwatir

5. Kula sinungan tentrem raharja, kula sinungan pangaksama.

6. Kula sinungan gesang sejati, Kula sinungan kraton swargi

Kidung Pasamuan Kristen 9. PAMUJI KONJUK ALLAH MA AGUNG

1. Puji sokur lan panggunggung konjuk mring Hyang Ma agung

kang nitahken jagad raya wah langgeng kasetyannya

makluk wrata rinimatan krana sihing Pangeran

jagad tentrem lan raharja lamun manut pangrehnya

2. Surya, candra Ian pra lintang samya nyunarken padhang,

peksi ngoceh mawurahan wah sato kewan girang,

tetuwuhan ngumbar sekar sarta asung woh-wohan,

sadaya sami memuja mring Allah Kang Makwasa.

3. Puji sokur Ian panuwun konjuk Allah Mamulya,

kang sampun paring pitulung mring pra manungsa dosa,

kang panggah sami pracaya mring Panebus sejati,

mesthi wilujeng, raharja, mulya langgeng ing swargi.

Kidung Pasamuan Kristen 10. ALLAHE PARA PRACAYA

1. Allahe para pracaya ing sadhengah jaman,

yeku pangauban kita tuking kasampurnan.

2. Aneng ngarsaning dhampamya papan katentreman,

panyuwun kang bener hyata mesthi kaleksanan.

3. Sajagad raya dumadi karana sabdanya

para titah angakeni kwasane Pangeran.

4. Allahe para pracaya lumintu pangrehe

mring sakehing kagungannya langgeng pangrumate.

Kidung Pasamuan Kristen 11. SIH KAWELASANIPUN ALLAH

1. Kula sami kekempalan memuji dhateng A1lah

kang Maha asih Maha wlas ring sakehing tumitah.

2. Agung kanugrahanipun kang maring para umat agung

palimirmanipun mring tiyang kang mratobat.

3. Ngantos kang putra kinasih ingutus dhateng donya

awit sihe Allah inggih sinungken mring manungsa.

4. Supados sawaminira tetiyang kang pitajeng

mring Kang Putra sampun sima nging sinung gesang langgeng.

Kidung Pasamuan Kristen 12. YESUS SANG PANGEN SEJATI

1. Gusti Yesus Pangen kula, kula menda kagungannya

dennya nebus klayan rahnya mrih kula gesang slaminya.

2. Sang Kristus Pangen utama kang sampun ngetohken nyawa,

nebus kula saking doss wah nuntun kula mring swarga.

3. Gusti ngayomi mendanya inguwalken sing rubeda,

mrih tan tiwas ing panandhang nging tansah manggih kabegjan.

4. Gusti ngempalken mendanya kadadosaken sapantha,

kinen gesang atut rukun mbangun turut Pangenipun

5. Gusti ngreksa pra mendanya klayan astanya kang rosa,

lamun wonten kang ketriwal den luru mrih datan ical.

Kidung Pasamuan Kristen 13. AKU DUWE PAMARTA

1. Aku duwe Pamarta Yesus Kristus asmanya

kang wus ngurbanken sarira ngruwat aku sing dosa,

Refr. duwekku duwekku Gusti Yesus Pamartaku dak puji trusing kalbu.

2. Aku duwe Pamarta satuhu ing kasetyan,

yen aku nyangga panandhang pinaringan karosan,

Refr.

3. Aku duwe Pamarta putreng Allah pribadya,

yen aku karoban susah tinunggil mrih tan lesah,

Refr.

4. Aku duwe Pamarta salaminya pangrehe,

lamun pepeteng nglimputi Gustiku kang ngluwari,

Refr.

5. Aku duwe Pamarta sih rahmate tan kendhat,

yen aku tumibeng dosa den tuntun mring pitobat,

Kidung Pasamuan Kristen 14. ALLAH MAHA SUCI

1. Suci, suci, suci, pinuji Hyang suci Allah Maha mulya kang jumeneng Raja,

suci suci suci pinundhi Hyang Widi titah sadaya bra muji samya.

2. Suci, suci, suci pujining pra suci angumandhang sora ngebeki akasa,

pra mlaekat sami sujud angabekti,ngidung tan kendhat mring Kang Mengkurat.

3. Suci, suci, suci, Allah Mahasuci gumuruhing kidung nggunggung-nggunggung Gusti,

tetalesing bumi gonjing dening puji, pra makluk wrata girang memuji.

4. Suci, suci, suci, nggih Gustining gusti, anglairken srira tumedhak mring donya,

nucekken manungsa kang pitados yekti, yogya pinuji langgeng slaminya.

Kidung Pasamuan Kristen 15. PANGGUNGGUNG MRING PANGERAN

1. Dhuh Pangeran Yehuwah kula ngaturken sembah

klayan bingah ing driya nggunggung Asma Paduka

kang Ma luhur Ma mulya Gustining makluk samya.

2. Dhuh Sang Yehuwah Gusti Paduka kula puji

ing dalu dalah rina agung sih kawlasanta

luber berkah Paduka tumrah mring titah wrata

3. Dhuh Yehuwah Pangeran kawula ngidung girang

wit-sih rahmat Paduka kula samya waluya

luwar sing rehing pati sinungan gesang yekti.

Kidung Pasamuan Kristen 16. PUJI MRING ALLAH KANG MAHA WISESA

1. Puji mring Allah Pangeran kang Maha wisesa

muji ramya binarung lan sawernining gangsa

pangidungnya klayan bingah ing manah nggunggung Gustining pratitah.

2. Puji mring Allah kang sestu adil pangrehira,

ngreksa Ian ngrimati srana lubering berkahnya,

nging saklangkung gung sihnya mring tyang dosa, tinebus temah waluya.

3. Puji mring Allah kang sung tentrem raharja nyata,

tansah ngganjar begja mring tyang kang sestu pracaya,

andel-andel wah pepadhang satuhu, pujinen Ian trusing kalbu.

Kidung Pasamuan Kristen 17. PAMUJI KONJUK MRING ALLAH

1. Pinuji Allah Sang Rama kang nitahken. jagad raya

wah tansah nglestantuna sung mangsa jawah ketiga

nenanem panenan uga alam runtut tinata.

2. Pinuji Allah Sang Putra kang nylametken gung manungsa

paring tentrem raharja sumrambah pra makluk wrata

luwar sing pangrehing dosa dadya Pirdus sadonya.

3. Pinujia Sang Roh Suci yeku kang nganyarken ati

temah mursid sayekti nggih rukun klayan sesami

wah asih mring alam ugi bawana ayu edi.

4. Dhuh Rama, Putra, Roh Suci tetiga tunggil Hyang Widi

pinujia pinundhi samukawisnya sampurna

krana pakaryan Paduka Dhuh Gusti "maranatha".

Kidung Pasamuan Kristen 18. SIH KAMIRAHANIPUN ALLAH

1. Sihe Allah gung sanyata mring kawula tyang dosa

sing bangsa sanes umatnya ingangkat dados putra

tinebus Sang Kristus Gusti gesang anyar sayekti

nindakna pakarti luhur yeku tandhaning sokur.

2. Sih nugrahaning Pangeran pinaringken lahanan

tan wonten dosa duraka kang datan ingapura

nging tyang kang wangkot ing ati pracaya mung ing lathi

pinagas saking sih rahmat sangsara ing akherat.

3. Sihing Allah sestu adya mulyakken tyang pracaya

mrih dados rowangnya tansah mbabar kratoning Allah

olah tresna trusing manah tentrem rarja sumrambah temah

Allah kaluhurna samangkya lan slaminya.

Kidung Pasamuan Kristen 19. ANGLUHURKEN ALLAH

1. Swawi sami muji Allah Pangeran Maha wlas

Kang tansah ngluberken berkah, Pangeran Maha wlas

Rinten dalu datan kendhat tansah njangkung mring pra umat

swawi muji Kang Murbeng rat Pangeran Maha wlas

2. Tan males dosa duraka Pangeran Mahawlas

nging ngegungken sih apura Pangeran Mahawlas

putranya yeku Sang Kristus kang dados kurban panebus

swawi muji kanthi tulus Pangeran Mahawlas

3. Swawi olah tresna' tansah Pangeran Mahawlas

pratandha sokur mring Allah, Pangeran Mahawlas

swawi gesang mursid yekti tinulungan Sang Roh Suci

nulad ing tindaking Gusti Pangeran Mahawlas.

Kidung Pasamuan Kristen 20. PANGGUNGGUNG KONJUK MRING PANGERAN

1. Pangeran Ma mulya yogya kula puja

dene agung kadarmannya kang sumrambah mring kula

datan wonten timbangannya tan kendat lumintunya

Pangeran Ma mulya, yogya pinuja, (2X)..

2. Pangeran Mamulya yogya kula puja

dene karsa maringaken Putranipun pribadya

dinadosken Juru slamet miwah Pamarta kula,

Pangeran Mamulya yogya pinuja (2X).

3. Pangeran Mamulya yogya kula puja

de tan karsa malesaken sagung klepatan kula .

malah dipun sucekaken sarta ingangkat putra

Pangeran Mamulya yogya pinuja (2X).

Kidung Pasamuan Kristen 21. PALIMIRMANIPUN ALLAH

1. Gusti kula ingkang wontening swarga

pinujia Paduka ing slaminya

sestu agung sih palimirman ta

haleluya, Haleluya

2. Gusti rawuh manjalma aneng donya,

awit welas nebus gunging tyang dosa,

rinukunken lan Allah Sang Rama,

Haleluya, Haleluya. .

3. Gusti seda krana kula tyang dosa,

de wungune panjer gesang sanyata,

mila kula mituhu dhawuhnya,

Haleluya, Haleluya.

Kidung Pasamuan Kristen 22. KASAMPURNANIPUN GUSTI

1. Kula nggunggung-nggunggung Gusti

sesembahan kula sejati, tanpa cela sestu suci,

sabdanya dados panutan, tindaknya dados patuladhan,

tyang ngupados kayektosan

suyud mring Sang Rama, nglabuhi manungsa,

wit tresnanya trusing driya tulusnyata, rila ngurbanken sriranya.

2. Gusti ngundhangken pawarta luwarira

tyang miskin papa, sing sangsara mrih raharja,

nggih pangentasan sanyata kang tinindhes Ian kinunjara,

pulih harkat martabatnya, tyang kang nandhang raga

samya den sarasna, wah mbabama tahun yobel taun adya,

nggih sih rahmating Sang Rama.

3. Duk Gusti siniya-siya,

siniksa lan sinalib seda, tan males srana piala,

mring tyang kang sengit mengsahi malah winales tresna yekti,

kadongakna mrih basuki,

Yesus Gusti kula manungsa sampuma;

nyantosakna greja dalah tyang pracaya,

nulad ing kasampurnannya.

Kidung Pasamuan Kristen 23. TANSAH SAOS SOKUR MRING GUSTI

1. Kula ngaturken sembah bekti de Gusti tansah mberkahi,

sadinten-dinten nambut kardi kanthi temen lan taberi,

abot entheng datan nggresula leladi kang trusing driya,

wohe rejeki sing Ma luhur tinampi lan puji sokur.

2. Kula memuji datan kendhat mring sihe Allah murbeng rat,

wanci enjing surya sumunar mulyaning alam ginelar,

tetuwuhan mawarni-warni wah kewan ngebaki bumi,

sing tilem ngaso kula tangi nindakken karsaning Gusti.

3. Kula ngluhurken mring Pangeran kang tansah ngganjar kabegjan,

ing dalu peteng lelimengan wah abyor lintang rembulan,

kula tilem ngaso myang lena nging astane Gusti ngreksa,

kula mesthi manggih wilujeng wah ing manah ayem tentrem.

Kidung Pasamuan Kristen 24. PANGGUNGGUNG KONJUK MRING GUSTI

1. Swawi prakanca kang sami pracaya

Den sora sora angalembana

mring Gusti kita kang Maha wilasa.

2. Sihing Pangeran mring kita pra umat,

tanpa wilangan wah tanpa kendhat,

yogya pinuji Ian pinundhi-pundhi.

3. Kita tyang dosa nging Allah ngaksama,

krana Kang Putra sinalib seda,

wit sihing Gusti kita dados suci.

4. Sihing Pangeran yogya den timbangi,

srana kasetyan tresna wah bekti,

nyaosken badan dados kurban gesang.

5. Swawi pra suci temen anglampahi,

prentahing Gusti, Gusti prajanji, tansah nulungi

srana Sang Roh Suci.

Kidung Pasamuan Kristen 25. NGABEKTI MRING GUSTI

1. Swawi pra suci nyawiji tunggal Ati

sami ngabekti memuji mring Gusti

Ajrih sumelang sedhih Ian kasangsaran

ginantos kabegjan sihing Pangeran.

2. Ngidung tan kendhat sru nggunggung Kang Murbengrat,

ngetung mukjijad Ian sagung sih rahmat,

lubering berkah sing swargi tansah tumrah,

nyantosakken manah nyirnakken semplah.

3. Tansah ndedonga sumarah mring Sang Rama

miwah rumantya nglawan mring panggodha,

pra tyang pracaya klayan saeka praya,

silih mbiyantonana amrih jaya.

Kidung Pasamuan Kristen 26. PUJI PANUWUN

1. Sumangga prakanca marek ngarsaning Gus ti

anggunggung asmanya wit sihe kang sejati

de krana Kang Putra ki ta tansah begja

siyang dalah ratri Gusti kang ngrimati

2. Yehuwah Makwasa kang paring kabingahan,

Ian tentrem raharja dugeng jaman klanggengan,

krana Yesus Gusti maringken Roh Suci,

kita dados panggah mituhu mring Allah.

3. Sagunging pamuji konjuk ngarsaning Gusti,

kawula anggunggung kanthi sruning pangidung,

Allah ingkang murba pra titah sadaya,

mung Allah pribadya langgeng salaminya.

Kidung Pasamuan Kristen 27. ASMANE GUSTI KULA

1. Neng kasa ngumandhang asma sajuga

Kang anepangaken jagad lan swarga

datan wonten asma kados punika

kang kwasa nyirnakken pangrehing dosa

napa sami dereng wanuh

yeku Gusti Yesus Kristus asmane.

2. Wus pantes asmane Ian pakaryane,

rawuhe ing donya wit gunging sihe,

nebus tiyang dosa, sinalib seda,

gya wungu nyawisken swarga mring kula,

napa sami dereng wanuh,

yeku Gusti Yesus Kristus asmane.

3. Sang Kristus samangke ngratoni swarga,

ngasta pangwasane Allah Sang Rama,

ngadili jagad ing mbenjing rawuhe,

kula pareng ndherek ing kamulyane,

yeku Kristus Sang Pamarta,

punika asmane panutan kula.

Kidung Pasamuan Kristen 28. SOWAN MRING GUSTI

1. Sumangga sowan Gusti, Haleluya, srana kidung pamuji, Haleluya.

2. Tyang pracaya nyawiji, Haleluya, ing tresna tulus yekti, Haleluya.

3. Pujekna gung panggunggung, Haleluya, kidung konjuk Hyang Agung, Haleluya.

4. Asmane den suwurna, Haleluya, wit luber sih setyanya, Haleluya.

5. Tilingna sabdeng Gusti, Haleluya, klawan pracaya yekti, Haleluya.

Kidung Pasamuan Kristen 29. KAMULYANIPUN GUSTI

1. Adhuh Gusti lamun kula nyipati lintang abyor ing dalu kang sepi

wah gumlegering gludhug ing akasa ku la ngungun gunging kamulyanta

reff : nyawa kula gya sumyak sung puja yekti Allah Maha kwasa

nyawa kula gya sumyak sung puji yekti Allah Maha kwasa.

2. Lamun nlasak tengahing wana wasa sato peksi kekidungan ramya,

wonten ngare dalah ing ardi ugi, bra gumelar sesawangan adi,

reff

3. Yen siniram ilining samirana wah tinempuh ombaking samodra,,

ngganda sekar kang arum miwah endah manah ngungun wit gunging pra titah

reff

4. Klangkung ageng gunging sih susetyanta, kang ngurbanken Sang Kristus, Sang Putra,

sinalibken, seda tedhak mring nraka, mrih manungsa basuki slaminya

reff

Kidung Pasamuan Kristen 30. PUJINEN HYANG MAKWASA

1. He pratitah sadarum samya ngrepekna kidung

konjuk Hyang Makwa sa kang gunging sih susetya Haleluya, Haleluya.

2. Pujinen Hyang murbeng rat, Gusti kang gung sih rahmat,

ngreksa Ian ngayomi, ngrumati mrih lestari, Haleluya, Haleluya.

3. Allah kang Mawilasa wus nylametken manungsa,

slaminya pinuja, wah tansah pinundhia, Haleluya, Haleluya.

Kidung Pasamuan Kristen 31. PINUJIA ALLAH

1. Pi nujia tansah Allah Mamirah kang gung tresnanira mring salir titah

tyang dosa dura ka sinung apura ti nebus sing pati temah basuki

reff : luhurna mulyakna Gusti Sang Pamarta luhurna mulyakna Pangruwating dosa

pasrah maring Allah srana pracaya margining waluya tentrem raharja.

2. Pinuji slaminya Allah Matresna, kang ngegungken sabar rnring tyang kang mblasar,

nuntun mring pitobat srana sih rahmat, mrih tyang mursid yekti sinung Roh Suci,

Reff. :

3. Pinuji tan kendhat Allah murbeng rat, kang nunggil wah ngreksa mring kagungannya,

tyang bekti lan setya sinung nugraha, gesang langgeng nyata neng kraton swarga,

Reff :

Kidung Pasamuan Kristen 32. SEMBAH BEKTI KONJUK GUSTI

1. Sembah bekti wah puji konjuk ngarseng Gusti

kang mberkahi grejanya temah tansah begja

Injil kratoning Allah ingundhangken sumrambah

asmanya kamulyakna dening sagung bangsa.

2. Sagung kidung kamulyan konjuk mring Pangeran,

dalah pisungsung sokur wit berkahe mancur,

wah pangengennya nyata yogya pra umat setya,

asmanya kamulyakna dening kagungannya.

3. Salir kidung panggunggung konjuk Hyang Maagung,

tansah sung pitulungan maring pasamuwan,

nadyan panggodha nempah rineksa mrih tan dhawah,

asmanya kamulyakna dening tyang pracaya.

Kidung Pasamuan Kristen 33. SAWERNANING PUJI

1. Sawernaning puji kanthi trusing ati mring Allah kang Maha mirah

dening sagunging tumitah wit tansah rinoban berkah.

2. Saliring panuwun dalah masmur kidung, mring Allah tuking gung berkah,

dening kang samya pracaya wit sinung tentrem raharja.

3. Sagunging panggunggung dalasan pisungsung, mring Allah Gustining titah,

dening saliring pra umat wit rinentahan sih rahmat.

4. Sakathahing sokur srana lampah luhur, mring Gusti yeku Hyang Widi,

dening sagung pasamuwan wit rinoban ing kabegjan.

Kidung Pasamuan Kristen 34. SUNG SEMBAH PUJA

1. Allah Kang Ma kwasa yekti gung tresnanya jumeneng Pamarta kang ngruwat dosa

salir tyang pracaya luwar sing antaka lamun tansah setya mlebet mring swarga.

Reff sung sembah puja konjuk Sang Rama kang paring nugraha tentrem raharja

sung sembah bekti konjuk mring Gusti kang paring basuki nggih gesang yekti.

2. Gusti kang Mamirah ngrentahken gung berkah, tyang nandhang sangsara manggih waluya, saliring pra umat tan kendhat rinimat, srana peparingnya nadyan prasaja,

reff

3. Rama kang Maagung kang paring pitulung, nglipur manah sisah mrih datan semplah,

njangkung kagungannya temah tansah begja, gesang mursid yekti dumugeng janji,

reff

4. Pangeran murbeng rat ngluberken sih rahmat, mbelani tyang leres saking panindhes,

nunggil tyang pracaya temahan santosa, ngundhangken Injilnya wrata sadonya,

reff

Kidung Pasamuan Kristen 35. KAMIRAHANING GUSTI

1. Puji konjuk Allah Kang Maha mirah

ing rinten dalah ratri nggih tansah ngganjar berkah

mring tyang mursid wah mursal tan ana kang ketriwal

2. Puji lan panuwun mring Hyang Maagung,

ngganjar berkah mirunggan,

mring tyang ingkang pracaya,

yeku kawilujengan sarta tentrem raharja.

3. Puji sarta sokur mring Kang Maluhur,

de ngganjar berkah adi,

mring tyang ingkang ngabekti,

winuwuhan sih rahmat pangrimatnya tan kendhat

Kidung Pasamuan Kristen 36. GUSTI RAWUHA

1. Mugi rawuha dhuh Rama mugi rawuha dhuh Rama

mugi rawuha dhuh Rama dhuh Rama rawuha.

2. Kula memuja, dhuh Rama, kula memuja, dhuh Rama,

kula memuja, dhuh Rama, dhuh Rama, rawuha.

3. Kula nyawiji, dhuh Gusti, kula nyawiji, dhuh Gusti,

kula nyawiji, dhuh Gusti, dhuh Rama, rawuha.

4. Kula ndedonga, dhuh Allah, kula ndedonga, dhuh Allah,

kula ndedonga, dhuh Allah, dhuh Rama, rawuha.

5. Kula sung sembah, dhuh Allah, kula sung sembah,

dhuh Allah kula sung sembah, dhuh Allah dhuh Rama rawuha.

Kidung Pasamuan Kristen 37. PANGGUNGGUNG WIT SIHING GUSTI

1. Kula samya tetunggilan ngabekti mring Pangeran

wit sinungan kacekapan wah bagas kesarasan

reff:

ku la tansah nggunggung Gusti lan ajrih asih yekti

wit ingayom ing sihira sestu tentrem raharja

2. Kula rinoban ing begja rinten dalu tan kendhat,

ing lelampahan prasaja dalah srana mukjijad,

Refr :

3. Kula rinimat ing Gusti srana sagunging titah,

mangsa kang silih gumanti samukawis mung endah.

Refr

4. Kawula nggih binerkahan lantaran mitra kadang,

sumanaking pitepangan tan wonten memengsahan,

Refr :

Kidung Pasamuan Kristen 38. HALELUYA PUJI GUSTI

1. Pinuji Gusti kang nitahken jagad siyang ratri tan kendhat ngganjar sih rahmat.

Reff : Haleluya sagung puji tansah konjuk Gusti Haleluya sagung bekti mring ratu swargi.

2. Pinuji Gusti Sang Juru Basuki kang ngurbanken sarira nebus manungsa.

Reff :

3. Pinuji Gusti yeku Sang Roh Suci kang nuntun ing kraharjan wah kasampuman.

Reff :

Kidung Pasamuan Kristen 39. KAMULYANING PANGERAN

1. Langit tansah nyariyosken kamulyane Hyang Magung

wah akasa mratelakken yasaning astanipun

rinten dalu tan kendhat wartanya ngebeki rat.

2. Sanadyan datan wicanten tan wonten tetembungan,

nging samangsa den tilingken tansah nggunggung Pangeran,

paseksinya nyrambahi ing salumahing bumi.

3. Pangeran murbeng jagad rat kang ngrimati pra titah,

surya kang mlampah tan kendhat nggih krana rehing Allah,

saliring kang dumadi nelakken sihing Gusti.

4. Mugi Gusti.nggih karenan isining manah kula,

gung panggunggung mring Pangeran pangayoman sanyata,

pinujia tan kendhat Panebusing pra umat.

Kidung Pasamuan Kristen 40. YEHUWAH ALLAH KULA

1. Sang Yehuwah yeku Allah kula

karsa anglanting tangan kawula

ses tu Allah dados karosan kula

mila tansah kawula tresnani.

2. Sang Yehuwah yeku Allah kula

kang nyembadani panyuwun kula,

mila dhawuhipun: "lah kumandela,

Ingsun datan negakaken sira".

3. Sang Yehuwah yeku Allah kula

tan males durakaning manungsa,

mila dhawuhira: "lah umareka

Ingsun kagungan sih palimirma.

Kidung Pasamuan Kristen 41. NYUWUN PANGAPURA

1. Dhuh Yehuwah nyawa kula ngantos antos Pangeran,

kawula kaluwarana sing tyang remen mengsahan,

wah katedahna margi bebener Paduka Gusti,

mung Paduka pribadya sumbering tentrem raharja.

2. Dhuh Yehuwah ngengetana mring sih palimirmanta,

wiwit jaman purwa mila Gusti gung ing apura,

ngruwata dosa kula nadyan ageng saha kathah,

nyawa kula rineksa wit sih kadarmaning Allah.

3. Allah Maadil Ian sae tan ngegungken bebendu,

tyang kang kesasar uripe tinuntun tobat sestu,

marginya mung katresnan bebener sarta kasetyan,

tumrap tyang setya yekti netepi sabdaning Gusti.

4. Dhuh Allah mugi ngapura krana asma Paduka,

mripat kula tansah nenga ngadhang sih kawlasanta,

kawula nandhang awrat kepencil sarta kesrakat,

mugi kaluwarana mrih kula tentrem raharja.

Kidung Pasamuan Kristen 42. PAMRATOBAT SING DOSA

1. Dhuh Allah, Rama, ngluberna sih mirma,

kawula nglenggana gunging dosa kula,

Gusti Ma kwasa, nyuwun apura, temah gesang nyata

2. Dhuh Yesus, Gusti, karsaa melasi,

kula sestu tobat ngorong mring sih rahmat,

Yesus, Pamarta, nucekna ati mrih kula basuki.

3, Dhuh Sang Roh Suci nggih nganyarna ati,

nilar gesang lami mbangun turut Gusti,

dhuh Sang Roh Suci, mugi nulungi temah mursid yekti.

Kidung Pasamuan Kristen 43. NYUWUN ENGGALING MANAH

1. Gusti kula sestu nalangsa, awit asring mbalela,

damel sekel galih Paduka, kelu ombyaking donya,

Reff: dhuh Gusti kawula nyuwun apura, sinucekken sing dosa

mugi manah kula kaenggalna, mituhu Paduka.

2. Sestu kula angraosaken sisah dening momotan,

nging lamun Paduka angapunten manah kawula padhang,

Reff

3. Sestu kawula ngraosaken ing katresnan Paduka,

wit Paduka tan negakaken kula kawratan dosa,

Reff. :

Kidung Pasamuan Kristen 44. GUSTI NIIMBALI SIRA

1. Wong dosa rempu atimu, nlangsanana dosamu,

mbokya ngungsia mring Gusti mesthi kinarya suci.

Gusti nimbali sira rungokna ta sabdaNya, pasraha jiwa raga.

2. He wong kang ilang kesasar saparanmu kapirsan,

Gusti nglari Ian nimbali bakal karsa nulungi.

Reff

3. Gusti kwasa sipat mirah manjalma krana kita,

mula den enggal mareka mesthi tan nampik sira.

reff

4, Sira kaancam rencana ukum laknat ngadhangi,

nuli enggal umareka tinebus ing rah adi.

Reff

Kidung Pasamuan Kristen 45. GUSTI ANGANTI SIRA

1. Gusti angantya sira wong dosa, arum ing wacana umareka,

nyuwuna luwar lan linipura, mareka, saosna ati nira,

reff : lah mareka Gusti angantya ywa kapara adoh, umareka

Gusti anganti anti sira, ywa nyenyuwe,mareka mring Gusti.

2. He wong dosa dhasar dalanira jembar bungah yen dilakonana

nging sira tan nduga kang rekasa yeku kang anjog mring nagri baka,

Refr.:

3. Lah mbok umareka mring Gustimu, kang nimbali sira kanthi tresna

lah mareka enggal dyan merdika nyelaki Gusti nampi rahmatNya,

Refr.:

Kidung Pasamuan Kristen 46. PANELANGSA

1. Wit sing kathah dosa kula mila tansah kemengan

Gusti kang madhangi manah myang tuking kabingahan.

2. Mugi karsa angaksama ing klepatan kawula,

tyas kula mugi dadosa padaleman Paduka.

3. Gusti kang kula ndelaken, mugi nuntun mring kula,

kula badhe ngestokaken ing sakarsa Paduka.

4. Kula mboten purun malih karya sekel Paduka,

badhe tansah tuhu setya, tresna ing salaminya.

Kidung Pasamuan Kristen 47. GUSTI PANGUNGSEN KULA

1. Gusti mugi mirsani nggen kula kesrakatan

kula mlajeng mring pundi namung dhateng Pangeran

nyuwun tulung dhuh Allah mugi nglanting kawula

sing sagung karibedan dimen pulih lejara.

2. Tan wonten pangauban sestu namung Paduka,

etuking pitulungan tumrap tyang kang nalangsa,

yen kegunturan sedhih miwah nandhang sangsara,

sinten kang nglipur malih inggih namung Paduka.

3. Gusti dados pikekah miwah beteng kawula

karosannya tyang lungkrah pepadhangnya tyang wuta,

kula apes anglentrih Gusti maringi kiyat,

kula tyang kawlas asih tansah nyuwun sih rahmat.

4. Gusti tuking kadarman mugi mlasi mring kula,

uwala sing momotan wah kalis sing panggodha,

Gusti tuking kraharjan kang kwasa mbirat dosa,

mugi nucekken kula temah gesang sembada.

Kidung Pasamuan Kristen 48. NYUWUN SUCI SAESTU

1. Dhuh Pangluwar sejati myarsakna pasambat kula

Gusti mugi ngresiki manah kula sadaya.

Reff : Gusti mugirah Paduka nucekken manah kawula

temah suci saestu wah sirna najis ing kalbu.

Suci sestu suci sestu

temah suci saestu wah sirna najis ing kalbu

2. Dhuh Pangluwar sejati paringa kiyat mring kula,

setya ing lampah suci ngetut wingking Paduka,

Reff :

3. Dhuh Pangluwar sejati mugi nuntun gesang kula,

mbangun turut mring Gusti, tansah ngestokken Sabda.

Reff :

Kidung Pasamuan Kristen 49. BINGAH WONTEN SIHING ALLAH

1. Sihing Allah kang Maha tresna sung gesang nyata mring kula

yeku sih kang ngeram eramna mring kula tyang kebak dosa,

mila kula tansah muji tan kendhat rinten Ian ratri.

2. Yen Allah nganggep dosa kula wah lepat klentuning lampah

kawula pejah ing antaka wit gesang mung awon tansah

nging Gusti luber sih rahmat kula pepuji tan kendhat.

3. Mring salir tyang nggih sanak-mitra mesthi kawula tedahna

margining karaharjan yekti yeku sih rahmating Gusti

punika sokur kawula mring Gusti nggih Sang Pamarta.

Kidung Pasamuan Kristen 50. KULA KEDUWUNG

1. Saestu keduwung kula dene kirang setya

dhinawuhan kinen tresna dhateng Allah wah sami,

nging tan ana buk ti adhuh Gusti nyuwun suci.

2. Saestu keduwung kula de gesang mung nglaha,

kelu pangwasaning dosa mung nguja sengseming driya,

lampah tan prayogi, adhuh Gusti nyuwun suci.

3. Saestu keduwung kula de ndlarung ing dosa,

nadyan rinoban sih rahmat nging datan enggal mratobat,

mangkotaken ati, adhuh Gusti nyuwun suci.

4. Saestu keduwung kula nglirwakken kwajiban,

mrih tuwuhing pasamuwan miwah gesanging bebrayan,

tentreming dumadi, adhuh Gusti nyuwun suci.

5. Saestu keduwung kula lamun dugeng janji,

gesang kula tan sembada nilar citraning Sang Rama,

mesthi den bendoni, adhuh Gusti nyuwun suci.

Kidung Pasamuan Kristen 51. GUSTI PANANGGEL KULA

1. Aku wong kang dosa, ngungsi maring Gusti

temahan den sucekna, wit rahe kang suci

Reff :

Sang Kristus Gusti, Panebus yekti,

nadyan dosaku agung, nging Gusti wus nglebur

2. Dhuh Gusti Pamarta mung kwasa Paduka

ingkang saged ngluwari kula saking dosa.

Re f r. :

3. Nggen kula nyenyuwun kang dados landhesan

dede labet kawula namung sih Paduka.

Refr. :

Kidung Pasamuan Kristen 52. NYUWUN SUCI

1. Kang najis ndlarung ing dosa tinampik mring swarga

Allah tan sudi mirsani sabarang kang nistha,

Reff : nyuwun suci Adhuh Gusti, nyuwun suci, nyuwun suci

2. Kang najis datan tinampi ngarsane Hyang Widi,

adhuh Gusti mugi karsa mbirat dosa kula

Re f r. :

3. Kang najis ndlarung ing dosa pinagas ing sihnya,

de kang yekti asung bekti tinunggil ing Gusti

Refr. :

4. Kang najis badhe sangsara cinadhangan nraka,

kang mratobat badhe begja cinadhangan swarga

Re f r. :

Kidung Pasamuan Kristen 53. ANENG NGARSANE GUSTI

1. Aneng ngarsane Gusti binuka isining kalbu,

sanyata najis uripku aneng ngarsane Gusti..

2. Aneng ngarsane Gusti, katon cetha kluputanku,

mung kebak lamis uripku, aneng ngarsane Gusti.

3. Aneng ngarsane Gusti, kasaosken ringkih semplah,

reribed Ian nyawa lungkrah, aneng ngarsane Gusti.

4. Aneng ngarsane Gusti, rinaosken gunging sihe,

wah lubering katresnane, aneng ngarsane Gusti.

Kidung Pasamuan Kristen 54. NYUWUN AKSAMA

1. Dhuh Gusti kang Mawilasa mugi paring aksama

kula getun de klepatan nglawan dhateng Pangeran

nglirwakken dhawuh Paduka manut hardaning dosa

temah tan ngraosken tentrem tebih sin gesang langgeng

2. Dhuh Gusti kang Mahatresna mugi ngruwat kawula,

temah kula dados suci tetunggilan Ian Gusti,

manah kang peteng wit dosa enggal pulih lejara,

pangajeng-ajeng binuka ngener mring Allah Rama

3. Dhuh Gusti kang Mahakwasa mugi nuntun kawula,

ngambah ing margi utami mbangun turut mring Gusti,

nyingkur mring karseng pribadi wit kwasaning Roh Suci,

nglawan kapencuting donya mrih raharja slaminya.

Kidung Pasamuan Kristen 55. KRISTUS MARGINING PANGLUWARAN

1. Pundi margi rehing pati tan misesa mring kula

kwasanira sarta wohnya damel gesang sangsara,

reff : marginira mung sajuga Kristus Gusti Ma suci,

wit pracaya mring asmanya kula gesang sanyata.

2. Pundi cara luwar kula sing rehira antaka,

manah semplah batos kwatos tansah ajrih ing galih,

Refr. :

3. Pundi dalan pangluwaran sing jeriting kadonyan,

gesang nggrangsang Ian brangasan nguja hawa duraka,

Refr. :

Kidung Pasamuan Kristen 56. KARAHAYONE WONG MURSID

1. Rahayu wong kang mursid lampahnya nyingkur pangangene wong duraka

lan ora ngambah dalane wong dosa ora wor lungguh ing pajagongane,

nanging karem mring sabdaning Allah rina wengi den gilut ing manah.

2. Kaanane wong iku kaya wit, kang tinandur sapinggiring kali,

kang mesthi awoh ing titi mangsane, Ian godhonge tan nate alum gogrog,

ingambaha reribed ngrepoti, tansah lestari kang den lampahi.

3. Tan mengkono mungguh wong duraka, nanging lir mrambut kabur ing angin,

ora bisa lulus ing pangadilan, Ian ing pasamuwane para mursid,

wong mursid rineksa ing Pangeran, wong ala tumibeng karusakan.

Kidung Pasamuan Kristen 57. KANG KAROBAN ING BEGJA

1. Para bangsa samya ngraman nggrangsang mring Pangeran.

gung pakarti nira muspra nggih nggadhang antaka.

2. Tyang nglawan mring kang Ma kwasa mung manggih sangsara,

kadhawahan bebendunya temah tumpes sira.

3. Sang Jebadaning Yehuwah yeku Putreng Allah

kaparingan gung pangwasa mengku samudaya.

4. Tyang ajrih asih mring Gusti nggih sedya ngabekti,

wah ngayom ing sih rahmatnya karoban Ing begja.

Kidung Pasamuan Kristen 58. RINEKSA ING ALLAH NADYAN SINATRU TYANG DURAKA

1. Dhuh Pangeran Allah tyang duraka kathah nyatur mengsahi kula

memoyoki tansah ngarah kula pejah srana salir piala

nging Paduka Gusti pangayoman yekti tuking kamulyan adi

wit gunging sih rahmat myarsakken pa-sambat pandonganuig pra umat.

2. Dhuh Pangeran Gusti kula datan wedi mring tyang drengki wah srei

wit tyang kang duraka mesthi den kasorna dening asta Paduka,

tyang pracaya yekti Paduka belani wah rineksa sing pati

mila kula ayem gesang tansah tentrem, de kabegjanku langgeng.

Kidung Pasamuan Kristen 59. NYUWUN LUWAR SING KARUPEKAN

1. Dhuh Allah kang Ma suci mugi Gusti melasi

sampun ngukum kula merdi klayan bramantya

nging enggal den entasna sing sisah sangsara.

2. Dhuh Allah Kang Makwasa ngrentahna sih wilasa,

kula kadya pejah wit manah lesah semplah,

nging yen luwar sing pati tansah nggunggung Gusti.

3. Dhuh Allah Kang Matresna nglubema kawlasanta,

rinten dalah ratri luh tangis tansah mili,

angantya pangluwaran sing gung karupekan.

4. Dhuh Allah Kang Maluhur puji panuwun katur,

wit gunging sih rahmat myarsakna mring pasambat,

ngluwari sing tyang nyatru, wah sung tentrem sestu.

Kidung Pasamuan Kristen 60. ALLAH PANGEN KULA

1. Allah yeku pangen kula kang gung sih tresnanya

Kula tansah rinimatan srana gung kadarman.

2. Kula tansah den ayomi mila ayem yekti

tinuntun ing margi adi wit asmaning Gusti.

3. Kula tan ajrih bilai wit kinanthi Gusti,

wah slaminya pangreksanya temah kula begja.

4. Nadyan sinatru tyang kathah nging ayem ing manah,

Allah ngluberken sih rahmat berkahnya tan kendhat.

5. Kula rinoban kabegjan salamining gesang,

saha manggen Ian memuji ing daleming Gusti.

Kidung Pasamuan Kristen 61. ALLAH YEKU PANGEN SATUHU

1. Allah yeku pangen satuhu pangrehnya nentremken kalbu

kula tansah rinimatan srana sagung ing kamirahan.

Reff :

Ing juranging pati tan wedi bilai wit Gusti pribadi kang nganthi

nadyan mengsah kathah manah datan semplah berkah tansah rumentah

mung kabegjan saha kadarman ngiring salamining gesang

sarta kula badhe manggen tansah ing daleme Sang Yehuwah.

2. Ayem manah lan nyawa kula ingayom ing sihing Gusti,

sarta tinuntun astanya ing margining bebener yekti.

Refr.:

Kidung Pasamuan Kristen 62. KARAHAYONING TYANG MURSID

1. Rahayu wong wedi asih mring Pangeran Yehuwah

ramenggawe sepi pamrih kasengsem sabdeng Allah

wong bener wah ngabektti slamanya den berkahi lan turune lestari.

2. Omahe wong kang pracaya kanggonan kaluberan, kautamane slamanya tanggon ing karupekan, yen pepeteng nglimputi gya pepadhang nelahi wit tinunggil ing Gusti.

3. Wong loma sinung kabegjan slamanya kinasihan, wong jujur tulus ing lampah sinebut-sebut tansah, mring Wang drengki tan wedi nging pracaya mring Gusti rineksa ing Hyang Widi.

4. Wong awatak welas asih mring kang miskin wah ringkih, kanggonan kamulyan yekti

nggih kamulyaning budi, wong duraka mung meri ngangah-angah ing pati, pituwase bilai.

Kidung Pasamuan Kristen 63. BERKAHING ALLAH

1. Tyang kang sumarah pracaya kang leladi klayan, setya

misungsungken gesangipun konjuk mring Hyang Maha agung.

2. Tyang mursid kang trusing ati rina wengi nggunggung Gusti,

tansah angantya berkahnya sarta tan kendhat ndedonga.

3. Pangeran Allah Makwasa ngluberken berkah sing swarga,

muwuhi ing sih rahmatnya ngiring ing kasetyanira.

Kidung Pasamuan Kristen 64. PASRAH MRING GUSTI

1. Sakehing was sumelangmu pasrahna mring Gusti

Wit saliring mitramu tan bisa mrantasi

Jer sa gunging manungsa nyanggi sume lange

kang pinasrahan tan ana tansah kuwur atine

di enggal pasrahna ing astane Gusti

sagung kuwatirira wus mesthi den tulungi.

2. Yehuwah iku pangenmu pamomong sejati

kang nentremken atimu setya ing pangrukti,

payo prayoga sowan marek Sang Pamarta,

kanthi giyak bebarengan tan mangu ing wardaya.

Refr. :

Kidung Pasamuan Kristen 65. YESUS ROTI PANGURIPAN

1. Yesus Roti panguripan tumurun saking swarga

paring rahayu santosa mring sagung tyang pracaya.

2. Yesus dados margi nyata kangge pra tyang kesrakat

wangsul margining raharja nuju sumber sih rahmat.

3. Yesus tuking toya gesang tyang ngorong bener yekti

temtu badhe tinuwukan angger purun nampeni.

4. Yesus Pangen kang utami ngurbanken sariranya

mrih umatnya gesang yekti tinebus sing antaka.

5. Yesus nggih cempening Allah Juru slamet sejati

awit dening wutahing rah kula sami basuki.

6. Yesus pangayoman nyata langgeng ing salaminya

jagad owah gingsir sirna Yesus tetep wah setya.

Kidung Pasamuan Kristen 66. MASRAHAKEN GESANG

1. Gusti kawula sowan atur sembah bekti,

masrahken jiwa badan, gesang kula sami;

mugi Paduka nuntun paring kakiyatan,

dimen kula lestantun dumugeng wekasan.

2. Kula sestu kepengin manut rehing Gusti

namung ringkihing batin kang tansah malangi

dhuh Gusti mugi pareng mulungaken asta

nggih gya kawula cepeng gondhelan kawula.

3. Kawula mung pracaya tan ngandelken dhiri

nggih mung karsa Paduka kang kula lampahi

kabegjan kang sejati yen lampah kawula

tetep manut ing margi pitedah Paduka.

Amin.

Kidung Pasamuan Kristen 67. ANENG PATUNGGILANING GUSTI

1. Aneng patunggilan ning Gusti wah malih nunggil baptisnya,

pasamuwan dados sawiji tunggil manah Ian pracaya.

neng patunggilaning Roh suci

ngajeng ajeng kasampurnan, pasamuwan Paduka mugi saya kekah tetunggilan.

Kidung Pasamuan Kristen 68. IBA ADI TUWIN ENDAHIPUN

1. Iba adi tuwin endahnya dinten ageng ingkang mulya

tiyang dosa wanuh Pamarta samya nampi gesang nyata

gesang ing astaning Panutan ingkang kebak kaayeman

Sagung dosa sampun ical mangkya ngrasuk gesang enggal.

2. Iba adi tuwin endahnya pawartos ingkang kapyarsa

turut margi arum swaranya pangundharing kabar adya

kabar rahmat saking Pangeran rentahing berkah kraharjan

kula samya tiyang dosa rinentahan palimirma

3. Tyang dosa den sami mirengna yogya samya anilingna

napa sampun wanuh swaranya lamun dereng mangga samya

enggal umarek mring ngarsanya klayan eklas manah suka

mung dening Yesus nggen kita saged wangsul dhateng swarga.

Kidung Pasamuan Kristen 69. KASETYANING ALLAH

1. Kasetyaning Allah datan gingsir,

kang pinilih nggih ugi den timbali

tansah pinirsanan sadayane, prajanji nya tamtu dipun tetepi

samukawis kang kinaryakaken, rinampungken.

2. Sabda Ian kwasane Allah nyata

saben jaman winengku ing pangrehnya

astanya kukuh miwah santosa ngasta pangadilan ing salamanya

landheping sabdanya nyirnakaken kadurakan.

3. Sang Roh Suci kang kagungan karsa

mbikak kekeraning gesang sanyata

pasamuwan tinuntun astanya rineksa dugeng kasampuman nyata

nggih dados warganing kraton swarga salamanya.

Kidung Pasamuan Kristen 70. LUMADI ING GUSTI

1. Gusti gesang kawula lumados mring Paduka,

dadya pisungsung yekti mrih kamulyan ing Gusti.

2. Mobah mosiking driya wah rerantaman kula

ngarah luhuring lampah mababarken karseng Allah.

3. Kedaling ilat kula tindak lampahing gesang,

namung tansah nelakna gunging sihe Pangeran

4. Bandhalan kasagedan katur minangka kurban,

cihnaning bekti Gusti wah nresnani sesami.

5. Gesang sawetahira manut ing reh Paduka,

makarya klayan bingah kagem kratoning Allah.

Kidung Pasamuan Kristen 71. MANGGUL SALIB

1. Gusti Yesus, Sang Pamarta kula ndherek Paduka,

manggul salib ing slaminya klayan bingahing driya,

kula Paduka kiyatken temah tan nate semplah

sampun ngantos kemuriden datan cuwa ing manah.

2. Nadyan tinilar ing mitra sinengitan sudara,

kula manteb ing pracaya ndherek Gusti slaminya,

lamun Gusti ingkang nganthi kabegjan kang pinanggya,

lamun Gusti kang ngasihi sinung kraharjan nyata.

3. Karibedan Ian sangsara krana ndherek Paduka

ngiyatken tekading manah ngudi Kratoning Allah,

kula tan lingsem tan wedi nekseni Injil suci,

wit gesang langgeng sayekti ndherek Sang Kristus Gusti.

Kidung Pasamuan Kristen 72. TEMEN NDHEREK GUSTI

1. Salir wong pracaya ywa urip sembrana,

sih rahmating Gusti den pundhinen yekti,

na dyan lelahanan nging sanes murahan,

yeku kurban sejati Sang Kristus Gusti.

2. Kaslametanira bisa ilang sirna,

yen sira sembrana nglirwakken sabdanya,

ditumemen ngudi klayan geter wedi,

urip mursid yekti ndherek Kristus Gusti.

3. Wong pracaya samya den tansah waspada,

dosa tansah nggodha mesthi den kalahna,

temahan sih rahmat tumrah datan kendhat,

sira tentrem raharja ing Gustinira.

Kidung Pasamuan Kristen 73. MAREKA MRING GUSTI

1. Mara wong dosa wong cilaka mareka mring Gusti Pamarta,

temah binirat dosanira krana gunging sihnya,

saiba karaharjanira yen sira wus manjing pracaya,

sinung begja wah gesang nyata uwal sing antaka.

2. Bocah uga nggih den kasihi mula sowana ngarseng Gusti,

mrih dadya putra prasetyannya krana gunging sihnya,

Refr. :

3. Aja semaya marek Gusti wit tan ngerti praptaning janji,

Gusti ngantya mring tobatira krana gunging sihnya, Refr.

Refr. :

Kidung Pasamuan Kristen 74. PRACAYA MRING GUSTI

1. He wong kang kabotan dosa Gusti ungsenana

agung sih pangapuntennya mring wong kang pracaya

pracayaa, pracayaa mung pracayaa

Gusti kwasa Gusti kwasa ngluwari sira.

2. Gusti wus nglampahi seda ngrembat dosa kita,

rahe nucekken ing kalbu dyan suci saestu,

Refr,:

3. Gusti kang dadi marganya mrih tumekeng swarga,

saben wong kang angugemi tansah dipun kanthi,

Refr. :

Kidung Pasamuan Kristen 75. GUSTI NIMBALI

1. He wong kang mandheg mangu Gusti nimbali,

tilingna ta sabdanya, Gusti nimbali,

padha mbangun turuta tumemen ing pracaya,

gya rungokna sabdanya, Gusti nimbali

Reff.: Gusti dhawuh mring sira padha enggal mareka,

mara estokna sami Gusti nimbali

2. He sira kang kesrakat, Gusti nimbali,

karsa paring sih-rahmat, Gusti nimbali,

sihnya tetep tan kendhat, dosanira rinuwat,

mara andherek Gusti, Gusti nimbali.

Refr. :

3. Lamun atimu lesah, Gusti nimbali,

mareka temah bingah, Gusti nimbali,

sabdanya paring gesang, nuntun mring margi padhang,

myang rahayuning budi, Gusti nimbali.

Refr. :

4. Wong pracaya den bingah, Gusti nimbali,

wit Gusti nunggil tansah, Gusti nimbali,

yen ketaman panggodha, dalah nandhang sangsara,

mara tetep ngabekti, Gusti nimbali.

Refr.:

Kidung Pasamuan Kristen 76. UMAREKA, UMAREKA

1. Taksih menga kori dhateng swarga, korining nugraha,

mila mangga nulya den ambaha sampun ta semaya,

saiba ta duwungira lamun kineban kori swarga.

Reff : Umareka umareka.

2. Sestu begja kawula sadaya nadyan tiyang dosa,

sampun dangu sami dipun antya dening Rama swarga,

pramila sami dipun kebat lumebet koringing sih rahmat.

Reff :

3. Adhuh Gusti sestu sih Paduka ngeramken tyas kula,

nadyan kula tiyang ingkang nistha pinaringan swarga,

mung wit sihing Allah Sang Rama kori swarga taksih binuka.

Reff :

Kidung Pasamuan Kristen 77. ING PAPRENTAHANING ALLAH

1. Ing paprentahaning Allah sadaya nengsemken,

Para titah samya rukun nilar pasulayan

sami dene angaosi migatosken liyan,

supeket ing pasrawungan bekti mring Pangeran

Reff :

Sumangga gumregut makarya, kagem Gusti dados srana

mrih tentrem rahayu kang sejati binabar aneng bumi.

2. Makaten kaanan donya yen kebekan sihnya,

tan ana sedya miala Ian panggawe cidra,

wit karoban kawruh yekti tepang Hyang Masuci

kadya dhasaring samodra sinasaban toya,

Reff :

3. Kadya singa Ian menjangan sami gegojegan,

mantun denya memengsahan mlegung sesarengan,

sami memitran saestu tresnanya satuhu,

wit pangrehing Hyang Makwasa lumintu makarya.

Reff :

Kidung Pasamuan Kristen 78. TINIMBALAN DENING GUSTI

1. Dhuh Allah Ma kwasa, Gusti nimbali kula,

dados rowang mitra, wah utusan Paduka,

ngundhangken sih rahmat mring sagunging umat,

mrih kratoning Allah sadonya sumrambah.

2. Mugi Sang Roh Suci nggih tansah mitulungi,

mrih kula sembada leladi kanthi setya,

Ian tekading manah datan nate semplah,

telatos, taberi wah ing pamrih sepi.

Kidung Pasamuan Kristen 79. PRACAYA LAN PASRAHA

1. Pracaya Ian pasraha mring Allah Ma kwasa,

Gunging prihatinira ginantosan begja,

yekti pilihing margi Pangeran mberkahi,

Ian sira kaeraman wit gunging kadarman.

2. Lamun sira nggresula yekti tanpa guna,

ati kabidhung susah pepeteng sumrambah,

ngetunga gunging berkah sarta mukjijadnya,

dalah prakara lumrah dadya marginira.

3. Sapa bisa njajagi mring karsaning Gusti,

sira tan darbe kwasa nata umurira,

mung tansah mbudidaya sinartan ndedonga,

sumendhe mring Pangeran wah ngambah pepadhang.

4. Lamun nyangga momotan ingancam bebaya,

ngungsia mring Pangeran ywa semplah ing driya,

sira rineksa Gusti mrih datan bilai,

tan sande linuwaran wah sinung kraharjan.

5. Yen praharaning gesang silih nempuh tansah,

klayan takat linawan wah nenga mring Allah,

Gusti nunggil tan kendhat Ian ngganjar sih rahmat,

temah manteb pracaya ing slami-laminya.

Kidung Pasamuan Kristen 80. KAPYARSI GUSTI NIMBALI

1. Kapyarsi Gusti nimbali: "He wong kamomotan,

mareka Ian mbukak ati nampi pangluwaran",

kula ngayom maring Gusti temah ayem yekti,

wit sinung kraharjan nyata uwal sing antaka.

2. Kapyarsi Gusti nimbali: "Wong ngelak, mareka,

nampanana banyu swarga temah urip nyata,"

kula ngungsi maring Gusti sinungan Roh Suci,

tinuntun mrih mursid yekti tresna mring sesami.

3. Kapyarsi Gusti nimbali: "Wong dosa, mareka,

nampanana kurban suci rah srira sampuma,"

kula pasrah Sang Pamarta sinung sih rahmatnya,

wah ingangkat putreng Allah kang nglantarken berkah.

Kidung Pasamuan Kristen 81. NDHEREK GUSTI

1. Kula mesthi ndherek Gusti kang jumeneng Panutan

tetep setya dugeng janji tan wigih karibedan,

Reff :

dhuh nyawaku ja kwatir Gusti tan ewah gingsir

tut wuria salaminya ing satindake Gusti.

2. Kula mesthi ndherek Gusti martosken Injil suci,

datan ajrih ing sangsara wit Gusti nganthi kula,

Refr.:

3. Kula mesthi ndherek Gusti mbabarken sih piwlasnya,

mring sagung titah ing bumi dimen samya raharja,

Refr.:

4. Kula mesthi ndherek Gusti ngestokken dhawuh adi,

lamun wonten kang nyatroni nedya kula tresnani,

Refr.:

Kidung Pasamuan Kristen 82. TEKADING MANAH KULA

1. Tekading manah kawula tansah ndherek mring Gusti

yeku Panutan sanyata nggih Panebus sejati

margining salib ingambah mbangun turut mring Allah

mbabarken tresna sejati mrih jagad tentrem basuki.

2. Kula mesthi ndherek Gusti ngantos -slami-laminya

nggih martosken Injil suci margining tyang waluya

Refr.:

3. Nulad Sang Pamarta Gusti sagah ngurbanken dhiri

tan remen ing kekerasan nging lubering katresnan

Refr. :

4. Sanadyan rumpil marginya nging Gusti tansah nganthi

nadyan ribed lan sangsara datan semplah ing ati

Refr. :

Kidung Pasamuan Kristen 83. PASRAH DHATENG GUSTI

1. Dhuh Gusti kawula tresna dhumateng Paduka,

ku la masrahken manah, badan kaliyan nyawa,

Paduka kang agung sih, ingkang sampun menang,

saestu kula tresna dhumateng Paduka

reff : kula pasrah badan nyawa Gusti ingkang angasta pejah gesang,

kula pasrah badan nyawa Gusti ingkang angasta pejah gesang.

2. Gusti ngrumiyini tresna mring kula tyang dosa,

tan nggalih gung sangsara pinenthang ngruwat dosa,

pramila kula ugi tresna dhateng Gusti, wah tresna mring sesami kanthi trusing ati

Refr. :

Kidung Pasamuan Kristen 84. NYUWUN TUNTUNANIPUN GUSTI

1. Nggen kawula makarya inggih kasar alus

mung Paduka Gusti kang mugi amaringi

pitedah, pamrayogi sarana Roh ingkang suci.

2. Kawula nggih nglenggana pandamel kula nglaha

estu tanpa gun lamun tan binerkahan -

dening Allah Pangeran sadaya mung damel cuwa.

3. Dhuh Hyang Kang Maha Adil mugi Paduka nunggil

ing kula slaminya dyan ing salir pakaryan

tanduk Ian kalakuwan kula manut reh Paduka.

Kidung Pasamuan Kristen 85. KABEGJAN SEJATI

1. Kabegjan yekti gesang pangaji ngabdi mring Sang Kristus Gusti

Dadya lantaran mrih karukunan katentreman kelampahan

Reff : mungSang Kristus yeku Gusti Panebus kula sing pati

gesang kawula kagem asmanya nggih martosken sihrahmatnya.

2. Kraharjan nyata gesang neng donya lelados mring Sang Pamarta

tansah mbelani sagung sesami mrih samya manggih basuki,

Refr.:

Kidung Pasamuan Kristen 86. ANDHEREK GUSTI

1. Kula badhe mboten nilar dhateng Gusti Pamarta

dhateng pundi Gusti tindak kula ndherek Paduka

reff : ula tut wingking Paduka salami kula gesang

awit yen tanpa Paduka kula tan saged gesang.

2. Sanadyan gung karubedan kula mboten sumelang

Paduka sung kekiyatan pramila kula gesang,

reff :

3. Kula tansah ndherek Gusti nadyan nyanggi momotan

klayan manggul salib kula ngantos dugeng wekasan,

reff :

Kidung Pasamuan Kristen 87. SUMENDHE ING GUSTI

1. Kula sumendhe ing Gusti peparang kang santosa

prayogi kula ungseni nyuwun tansah rineksa

nadyan tinilar ing mitra kula mboten perduIi

sumanggem mundhi dhawuhnya klayan tulus ing ati

Reff:

kula tansah pitados Gusti tan nilar kula

mila kula tan kuwatos gesang manut sabdanya.

2. Kula sumendhe ing Gusti sarwi sengkut makarya

cumadhang tansah leladi ing sakatoging driya,

gegayuhan Ian pangudi tan kendhat ing pandonga

Gusti ingkang nyembadani temah kula samekta,

Reff

Kidung Pasamuan Kristen 88. SAKEHING SUMELANGMU PASRAHNA MARANG AKU

1. Iba rah jeng tyang kang sami sumendhe mring Gusti

jroning susah wah kesrakat Gusti paring kiyat.

Reff: 4 ketuk

Sumangga sumendhe Gusti

mesthi Gusti karya ayemira.

2. Adhuh Gusti kula sowan ing ngarsa Paduka

masrahken gesang kawula neng asta Paduka,

Refr :

3. Adhuh Gusti lamun kula pasrah mring Paduka kula mesthi datan wedi sangsara wah pati,

reff:

Kidung Pasamuan Kristen 89. PASRAH

1. Gusti kawula ngaturken badan nyawa kawula

mugi Paduka slametken kawula kagungan ta

Reff :bingah susaha kula marem nunggil Paduka

dhuh Gusti murbeng tresna kula pasrah Paduka.

2. Datan wonten andel-andel namung Paduka Gusti

mila kawula kumandel pasrah kang trusing ati

Refr. :

3. Raja brana, kasugihan wah malih kasagedan

dhuh Gusti, katur Paduka kagema ing Pangeran

Refr.:

Kidung Pasamuan Kristen 90. PASRAHA

1. Bungaha susaha Gusti dak puji,

kang mranata gesang kula,

kula rinimat kalayan katresnan mila kula

pasrah pangrehnya, pasraha pasraha

ing sapangrehing Hyang Makwasa.

2. Sapinten awrating momotan kula, rencana godha myang susah,

yen kula enggal mulad Sang Pamarta, manah kula entheng Ian bingah,

Reff

3. Sanadyan kula kasinungan drajat, kaluhuran miwah pangkat,

namung kula tan prayogi gumunggung, nging tumungkul mring Hyang Maagung,

Reff

Kidung Pasamuan Kristen 91. PRABOTING PERANG ROHANI

1. He prajurite Gusti kang samya dinuta

kesah mring pundi pundi nyebar kabar adya,

nggih kabaring sih rahmat peparing sing swarga

kang sinungken pra umat mrih sami pracaya

Refrain

Payo maju ja giris atimu

marga Gusti nganthi sapurugmu

payo maju undhangna samangkya,

murih kang peteng gesangnya wanuh Pamarta.

2. Sajroning prang ja lali sabukan kang kukuh

nganggo rohing kayekten dyan sira apuguh

kabingahan sanyata nggih Injiling Gusti

den undhangna warata salumahing bumi.

Refr.:

3. Yen katempuh rubeda de kridhaning mengsah

candhaken tamengira pracaya lan pasrah

wit Gusti wus prasetya nganthi sapurugmu

yeku kang bakal nuntun kedaling ilatmu.

Reff

Kidung Pasamuan Kristen 92. PAMUJINIPUN PARA UTUSAN

1. He nyawaku sira sumyaka nggungung ing sihing Pangeran

kang sampun ngirid lampahira tansah paring pitulungan

mring para utusan setya kang ngundhangken wartos adya

Haleluya, Haleluya.

2. Sinten kang nampi timbalannya ngemban ayahan kaswargan

tartamtu badhe angraosna pratandha myang kaeraman

nadyan margine rekasa nging tan kendhat tansah muja

Haleluya, Haleluya.

3. He nyawaku sira sumyaka anggunggung-nggunggung Yehuwah

slawasing uripku dak puja kalawan ati kang bungah

de agung sihe mring kula ing ratri dalasan rina

Haleluya, Haleluya.

Kidung Pasamuan Kristen 93. PANGATAG NGABARAKE INJIL

1. Sumangga pra kanca misungsungken gesang nggih dadya pramitra rencanging Pangeran

martosken Injilnya pangluwaran sing dosa mring saliring bangsa mrih samya wilujenga

2. Tyang miskin kesrakat rinoban sih rahmat tyang kang kinunjara linuwaran sigra

katentreman yekti binabarna ing bumi sagung tyang manembah wah mituhu mring Allah.

3. Injil kabar suci yeku sihing Gusti den undhangna tansah sajagad sumrambah

tyang mblasar ing lampah wah kang wangkot ing manah tinuntun mratobat nampenana sih rahmat

Kidung Pasamuan Kristen 94. NYUWUN GUMELARIPUN KRATONING SWARGA

1. Dhuh Gusti nggih binabarna Kratoning Allah ing jagad

pra umat samya raharja krana rinoban sihrahmat

2. Bebener wah kaadilan kajujuran lan katresnan

binabar nyata ing donya wit pangreh kwasaning Allah.

3. Kang aneng Kratoning Allah mung tentrem rahayu tansah

tan ana kang cecongkrahan samya nandukken katresnan

4. Dhuh Sang Kristus yeku Gusti den enggal rawuh ngadili

mrih samukawis sampurna pra umat gesang neng swarga

(Panutup) : Amin

Kidung Pasamuan Kristen 95. KRATONING SWARGA

1. Kraton swarga saestunya ndhatengi saya wewah,

bebener lan kaadilan aneng jagad sumrambah

katentreman sayekti binabar aneng bumi.

2. Pra tyang pracaya ywa semplah klayan tulus tumandang

mbabarken Kratoning Allah nadyan kathah kang nglawan

Gustimu tansah njangkung sarta paring pitulung

3. Mbabarken Kratoning Allah dhasarnya mung katresnan

tan ngandelken bala kathah nging sumarah Pangeran

sagung tyang kang pracaya yogya sengkut makarya

Kidung Pasamuan Kristen 96. LAMUN DUDU YEHUWAH

1. Yen dudu Yehuwah kang ayasa wisma,

tanpa guna, tanpa gawe karyane tukange

lah mangkya kita andulu yeyasane

o, iba mulyanya pasamuwane Yesus Gusti

para abdi setya Ian bingah ing driya

nambut pakaryan adi saking Gusti

2. Iba begjanipun tyang ingkang ngalami

wanuh swargi, wanuh Gusti nggih Juru Wilujeng

karana sami ginadhang gesang langgeng

luhurna, luhurna agung sihe Rama ing swarga

pra kang swau sami tambuh gesang yekti

sami winenganan korining swargi.

3. Pra kang wus ngalami sih tresnane Gusti

datan kendel nambut kardi angundhangken warti

inggih kabaring sih rahmat saking swargi

undhangna, wartakna, warata salumahing bumi

dyan sagung pra umat wanuh mring sih rahmat

nggih Injiling asmanya: Yesus Kristus.

Kidung Pasamuan Kristen 97. TANSAH SAMEKTA

1. Sumangga makarya pra prajuriting Gusti

martosken kabar kang adya nggih sih rahmat sing swargi

mrih tyang kang peteng ing driya, samya manggih pepadhang yekti.

Sumangga makarya.

2. Sumangga makarya sampun ta ngantos telat,

mbabarken sih tresna nyata mrih tyang dosa mratobat

ywa giris nglawan bebaya wit Gusti nganthi salaminya,

sumangga makarya.

3. Sumangga makarya klayan manteb Ian setya,

manggul salib ndherek Gusti mbelani tyang prih ati,

kang tinindhes wah siniya linuwaran temah raharja,

sumangga makarya.

Kidung Pasamuan Kristen 98. PANENIPUN JEMBAR

1. Lah, saestu panenipun jembar nging kang derep mung tiyang sekedhik

o, kanca mangga sami tumandang,mumpung taksih pinaringan urip.

Reff :

gya tumandanga anderepi kangelane dadi kabungahane

gya tumandanga anderepi panen jembar kang derep sethithik.

2. Dhuh Pangeran kang kagungan panen mugi Paduka karsaa merdi

kathah tiyang kang sami telaten gya tumandang sregep angeneni.

Reff

Kidung Pasamuan Kristen 99. PANYUWUN GUMELARING KRATON

1. Dhuh Gusti Pamarta margi sih Paduka,

tiyang dosa kaluwaran saking paukuman,

Reff :

Iba adinira utusan Paduka,

kang ngundhangken wartos bingah sih rahmating Allah.

2. Dhuh Gusti Pamarta margi Roh Paduka,

kathaha tyang kang nampeni pawartos basuki

Reff

3. Dhuh Gusti Pamarta wit pangreh Paduka,

tyang kang pitados mring Gusti sageda nyawiji

Reff

Kidung Pasamuan Kristen 100. DIPRAYITNA

1. He tyang pracaya den sami samekta nglawan Panggodha iblis julig nyata

ywa kendhat ndedonga mirengken sabda tansah nunggil lan sagung tyang pracaya

reff : diprayitna ywa nganti lena Gusti ngreksa ing slami-laminya.

2. Ywa ajrih wedi wah aja sumelang nadyan mungsuhmu tan kenging winilang

dipanggah, ditatag manteb pracaya disetya tansah mrih unggul prangira,

reff :

Kidung Pasamuan Kristen 101. PERANG ROHANI

1. Pra abdining Gusti dipun prayitna

ing perang rohani ywa kongsi lena

ngrasuka kayekten wah kaadilan

nadyan tanggelannya mung kasangsaran

Refrein:

Yekti iblis culika lan julig maeka

ditegen ndendonga Gusti kang ngreksa.

2. Pra putraning Allah padha den panggah,

setya dados seksi Injiling Allah,

nyanggemi dhawuhnya kang trus ing ati,

manteb ing pracaya dumugeng janji.

reff :

3. Pra wong kang pracaya ditunggal sedya,

nyirik pasulayan mbangun katresnan,

sangkul-sinangkula bot repotira,

mrih rohing piala sirep dayanya.

Refr.:

Kidung Pasamuan Kristen 102. ALLAH ASIH MRING JAGAD

1. De Allah wus asih mring jagad sarta anggennya angasihi

iku kongsi masrahake ingkang putra ontang-anting

supaya sakehing jalma kang pracaya Ian ngugemi

ywa kongsi nemu karusakan nging duwea urip nyata.

Kidung Pasamuan Kristen 103. DHAMPARING SIH RAHMAT

1. Wonten satunggal panggenan nggih margining kasampurnan

ngriku gesang tansah padhang wit dayaning pati ilang

Reff :

yeku dhamparing sih rahmat Sang Kristus murbeng rat

tyang kang ngayom wit pracaya raharja slaminya.

2. Tyang dosa gung kang mratobat, tan ingukum nging rinuwat,

kadadosken putreng Allah, margi suci kang den ambah,

Reff :

3. Prentahnya entheng sekeca, nuntun mring gesang sanyata,

tresna mengsah wah sesami, tinulungan Sang Roh Suci,

Refr.

Kidung Pasamuan Kristen 104. KRAHARJANING TUMITAH

1. Saiba dennya mbingahken yen ing sajagad wrata

kaadilan kang sanyata sayekti binabarna

Reff :

srana sih katresnan tulus, lah jagad dados Pirdus

sagung tumitah raharja rinoban sih rahmatnya.

2. Saiba denya nengsemken yen manungsa sabumi,

marsudi tentrem rahajeng numrahken sihing Gusti,

Refr. :

3. Saiba dhahat endahnya pra titah tetunggilan,

datan wonten cecongkrahan rumaket trusing driya,

Refr. :

4. Mila kula datan wigih gya gumregut makarya,

tumandang sepi ing pamrih mrih rahayuning jalma,

Refr. :

Kidung Pasamuan Kristen 105. GESANG TRESNA-TINRESNAN

1. Ing satengahing bebrayan agung mung Pangeran pantes ginunggung

rahmatnya binabarken sanyata tumrah mring pratitah sadaya

Reff :

tumemen ndedonga Ian makarya mrih kebabaring tentrem raharja

nggih gesang memitran wah pasedherekan wit tyang sadaya tresna tinresnan.

2. Nadyan beda basa seje bangsa, wah beda adat budayanya,

nging saestu punika sesami, kang kinasihan dening Gusti,

Refr.:

3. Sadaya datan pantes gumunggung, ngongasken dhiri kumalungkung,

mung gesang kanthi lembah ing manah, ngrumaosi jejering titah,

Refr. :

Kidung Pasamuan Kristen 106. KULA NEDYA KADYA GUSTI

1. Kula nedya kadya Gusti gesang suci, gesang suci

kula nedya kadya Gusti gesang suci,

gesang suci, gesang suci,

kula nedya kadya Gusti gesang suci,

2. Kula nedya ajrih asih dhateng Gusti, dhateng Gusti,

kula nedya ajrih asih dhateng Gusti,

dhateng Gusti, dhateng Gusti,

kula nedya ajrih asih dhateng Gusti.

3. Kula nedya olah tresna mring pepadha, mring pepadha,

kula nedya olah tresna mring pepadha,

mring pepadha, mring pepadha,

kula nedya olah tresna mring pepadha.

4. Kula nedya andum berkah mring tyang kathah, mring tyang kathah,

kula nedya andum berkah mring tyang kathah,

mring tyang kathah, mring tyang kathah,

kula nedya andum berkah mring tyang kathah.

5. Kula pingin mbabar shalom aneng donya, aneng donya,

kula pingin mbabar shalom aneng donya,

aneng donya, aneng donya,

kula pingin mbabar shalom aneng donya.

6. Kula pingin kasampurnan ing Pangeran, ing Pangeran,

kula pingin kasampurnan ing Pangeran,

ing Pangeran, ing Pangeran,

kula pingin kasampurnan ing Pangeran

Kidung Pasamuan Kristen 107. GUSTI MUGI TANSAH NUNTUN

1. Gusti pangayoman nyata nuntun lampah kawula

panggodha tansah nempuha kula unggul sing dosa

wit kinanthi dening Gusti siyang dalasan ratri

ku la sinung basuki.

2. Gusti Pangen kang sejati ngrimati kula tansah

mila ayem tentrem yekti wit peparingnya tumrah

astanira nglanting kula nadyan rumpil marginya

kula sinungan begja.

3. Gusti pepadhang sanyata tansah nglipur kawula

awrata panandhang kula datan semplah ing driya

berkahira ngreksa kula ngantos ing salaminya

kula sinung raharja.

Kidung Pasamuan Kristen 108. GUSTI MUGI NUNGGIL MRING KULA

1. Dhuh Gusti mugi nunggil mring kula

Yen ta kesaput peteng ing ratri

nggih namung Gusti kang mitulungi

sumangga Gusti nunggil mring kula.

2. Gesang kula wah aruming nama

kadya samodra surut Ian sirna

ewah gingsir sabarang neng donya

nging Paduka tansah nunggil kula.

3. Gusti yeku peparang gendholan

pikekah jroning gung karibedan

tetameng kula ingkang santosa

nggih Gusti mugi nunggil mring kula.

Kidung Pasamuan Kristen 109. KATEMTUANING PRACAYA

1. Karsa Paduka priyangga mugi tansah kelampahan

pra kang sabar myang pracaya temtu tampi pitulungan

Refrain:

paukuman kula trimah lir penget Ian pitedah

ingkang tangguh ing pangantya tan koncatan sih Paduka.

2. Gusti tuking pitulungan panglipur Ian pangayoman

sagung pitedah Paduka tan badhe kawula lawan

sihing Gusti lir samodra luber ngerobi kula

wah nyata sabda Paduka isi sih sarta kadarman.

3. Kawula nyuwun dhuh Gusti lamun manggih kasusahan

panggodha miwah panyobi kawula sageda tahan

tan kuwatos wah sumelang sih Paduka cumadhang

temah unggul kula yektos karana saking pitados.

Kidung Pasamuan Kristen 110. NAMUNG KARSA PADUKA

1. Dhuh Rama lamun kawula darbe atur panyuwun,

mugi kula nggih sageda nrimah saparingipun,

lir pandonganipun Gusti ywa pikajeng kawula,

mung karseng Rama pribadya kang tansah binabarna.

2. Sagung peparinging Allah saestu munpangati

mugi kula saged nrimah ing sapangrehing Gusti

saha pitados sayekti mring panuntun Paduka

mung karseng Rama pribadya kang tansah binabarna

3. Mung katresnaning Pangeran dados tuking panglipur

sagung susah karibedan Paduka kwasa nglebur

lir pandonganipun Gusti ywa pikajeng kawula

mung karseng Rama pribadya kang tansah binabarna

Kidung Pasamuan Kristen 111. GUSTI NUNTUNA KAWULA

1. Gusti mugi sampun ngantos nilar kawula

kawula tansah ngraosna berkah Paduka,

Reff :

Gusti mugi nuntun kawula

kawula tansah ngraosna berkah Paduka.

2. Gusti mugi myarsakaken pasambat kula

sinten malih ingkang dadya pangungsen nyata,

Reff. :

3. Nggen kula darbe panyuwun mung sih Paduka

ingkang kula damel uger miwah landhesan,

Reff. :

4. Gusti mugi amirsani tyas kula trenyuh

mugi Paduka jampeni sageda teguh,

Reff. :

5. Gusti tuking sagung lipur mugi nglipura

manah kula kang kawratan dening cintaka,

Reff. :

6. Aneng donya wah neng swarga kula tan darbya

andel-andel Ian pikekah namung Paduka,

Reff. :

Kidung Pasamuan Kristen 112. MUGI MBERKAHI KULA

1. Adhuh Gusti kula sestu ngorong berkah Paduka

yeku kang ngayemken kalbu mugi mberkahi kula

nggih kula, nggih kula mugi mberkahi kula

2. Mugi sampun anglangkungi dhateng kula dhuh Rama

mrih kula luwar sing pati mugi mlasi mring kula

nggih kula, nggih kula mugi mlasi mring kula.

3. Sampun anglangkungi kula dhuh Pamarta kang setya

mrih kula unggul sing dosa mugi nimbali kula

nggih kula, nggih kula, mugi nimbali kula.

4. Dhuh Roh Suci, mugi sampun anglangkungi mring kula

mrih gesang anyar lestantun mugi madhangi kula

nggih kula, nggih kula, mugi madhangi kula.

5. Dhuh Pangen, sampun alangkung ngengetana mring kula

mrih kula tansah raharja mugi mberkahi kula

nggih, kula, nggih kula, mugi mberkahi kula.

Kidung Pasamuan Kristen 113. PANDONGA ENJING

1. Gusti dinten mangkya mugi andalemi

ing batos kawula miwah paring Roh Suci

mugi paring padhang anyunari margi kawula

wah kula kawulang nanggulangi panggodha.

2. Gusti dinten mangkya mugi andalemi

ing batos kawula miwah paring Roh Suci

kula tinuntuna napak tilas tindak Paduka

dyan kula tan nguja karseng manah priyangga.

3. Gusti dinten mangkya mugi andalemi

ing batos kawula miwah paring Roh Suci

Gusti mugi dhawuh napa ingkang kula lampahi

kula mituruta ndherek prentahing Gusti.

Kidung Pasamuan Kristen 114. AJA SEMAYA

1. Nikmating donya nggodha ati mikat kita dimen nebih Gusti

lan kabeh iku tan nguripi nging nggendeng kita mring telenging pati

reff : Ja semaya, umareka, umareka ya saiki uga,

lah Gusti wus ngantya mring sira pangayomanmu kang tuhu setya

2. Mara mbuwanga sengsemira, kang isi panyidra myang pamblasar,

ninggala dosa Ian duraka, ngungsi mring Gusti sira mesthi luwar,

Refr.

3. Marek mring Gusti ja suwala, nganggo sinemayan sesuk emben,

praptaning pati tan kenyana, mula gya marek ja nganti kalungsen,

ReJr.

Kidung Pasamuan Kristen 115. NYUWUN AYEMING MANAH

1. Lamun kula kesayahen, kamomotan ing ati

Kula marek dhuh Pamarta nyuwun ayem mring Gusti.

Reff : Kula marek dhuh Pamarta nyuwun ayem ing dri ya

Nyuwun ayem dhuh Pamarta Gusti kang nebus kula.

2. Gusti sareh galihipun mugi mulang mring kula

kula manut pangrehipun ingkang entheng sakeca

Refr.:

3. Mugi ngirid lampah kula dhuh Pamarta kang setya

manggiha tentrem raharja tinuntuna mring swarga.

Reff :.

Kidung Pasamuan Kristen 116. PASRAH SUMARAH MRING GUSTI

1. Pasrah sumarah mring Gusti Pangayoman kang sejati

uripmu tansah rinimat wit Gusti gunging sih rahmat

waspadakna makluk wrata karoban ing sih Ian piwlasnya

wah saliring butuhira pinaringan ing sacukupnya.

2. Pasrah sumarah mring Gusti mrih ayem tentrem ing ati,

bungah susah sugih mlarat memuji Gusti tan kendhat,

udinen kratoning swarga wah sagunging kasampurnannya,

temahan sira nyipati panganthi panunggiling Gusti.

3. Pasrah sumarah mring Gusti Parang Pangungsen sayekti,

lamun tinempuh prahara Gusti nyantosakken sira,

waspadakna mukjijadnya ing prakara gung wah prasaja,

kang wedi asih Ian setya winuwuhan berkah sing swarga.

Kidung Pasamuan Kristen 117. GUSTI PANGEN UTAMI

1. Paduka Pangen utami ingkang kawula tresnani

kawula purun sangsara angger krana Yesus Gusti

kawula kepengin manggen wonten ngarsaning Pangeran

margi neng ngriku kawula ingayoman ing rahmatnya.

2. Tan wonten malih panggenan sumbering kawilujengan

namung salib ing Golgota ngriku wijiling apura,

Reff :

3. Manah kula lamun mandeng dhateng salibing Pamarta

lajeng karaos wilujeng sanadyan nyanggi sangsara,

Reff :

Kidung Pasamuan Kristen 118. INGSUN YEHUWAH ALLAHIRA

1. Lah ingsun Yehuwah Allahira kang nyepengi tangan-tanganira

sestu Allah dados karosan kula mila kula tresna mring Paduka.

2. Lah Ingsun Yehuwah Allahira kang nyembadani panyuwunira

mangka dhawuhingsun: "lah kumandela, Ingsun datan negakake sira"

3. Lah Ingsun Yehuwah Allahira kang datan males durakanira

mula dhawuhingsun: "lah umareka, Ingsun kagungan sih palimirma

4. He, pra kesayahen, kamomotan padha mareka neng ngarsaningsun

Ingsun bakal paring tentrem Ian ayem ing nyawanira tek'eng ndelahan

Kidung Pasamuan Kristen 119. ANGGER KULA SUMEREP

1. Yen kula sumerep margi cawisane Gusti,

nadyan susah kados pundi ku la nyelak Gusti,

Reff :

marek Gusti, marek Gusti marek Paduka Gusti

angger kula nggih binekta nyelak dhateng Gusti.

2. Angger kula sum’rep Gusti seda krana kula

mrih kula luwar sing pati Gusti tombok slira,

Refr. :

3. Angger kula sum'rep Gusti sangsara ing salib

ambekta kula sadaya mring kamulyan baka,

Refr. :

Kidung Pasamuan Kristen 120. KUMANDEL MRING ALLAH

1. Dhuh Gusti mugi ngirid lampah kula

ndherekaken Paduka salamanya

kawula datan saged milih margi

mugi sapurug kula Gusti nganthi.

2. Paduka ngayomana ing tyas kula

supados arerema satitahnya

kula tansah sumendhe ing karsanta

wit Paduka Panebus Gusti kula.

3. Ngambaha margi rumpil Ian sangsara

mesthi Paduka tuntun dhateng swarga

dhuh Gusti mugi ngirid lampah kula

ndherekaken Paduka salaminya.

Kidung Pasamuan Kristen 121. KINANTHI ING GUSTI

1. Gusti Yesus Pangen kula, sestu gung sih Paduka

Ing sapurug-purug kula nggih tansah kinanthia

Refr :

Kinanthi Ing Gusti kinanthi ing Gusti

ing satitah kula nrimah angger kinanthi Gusti.

2. Bandha wah salir kadonyan mung sarananing gesang

kula ngegungken ngandelna Gusti wah panganthinya

Refr.:

3. Krana panganthining Gusti kula mursid sayekti

ajrih-asih maring Allah tresna sesami tansah

Refr. :

Kidung Pasamuan Kristen 122. DIPANGGAH

1. Nitenana sihing Gusti kang mbanyu mili

ywa manut bujuking iblis wohe mung pati

reff :

dipanggah kanthi sumarah mring Gusti tansah

kasorna dosa wit mursid tegen ndedonga.

2. Nadyan den iming-imingi bandha sadonya

milaur setya mring Gusti sinungan begja

Refr.:

3. Iblis naweni kasekten pinunjul sekti

nging ing rehing Sang Roh Suci kalis sing pati

Refr:

4. Iblis nggendeng nilar Allah wit tanpa guna milaur manteb pracaya gesang raharja

Refr :

Kidung Pasamuan Kristen 123. GUSTI PANGUNGSENMU

1. Yen sira sangsara sarta sedhih manteba pracaya Allah tan tebih

aja wedi Gustimu nganthi rehing kadursiIan mesthi kasoran

pepeteng dosa ilang sirna mung gung karaharjan kang sinandhang.

2. Yen nyangga momotan wah panandhang aja sira semplah alit ing manah

iblis julig memilut driya milih margi entheng nging dugeng nraka

pasrah Pangeran nyuwun kiyat sira linuwaran wit sih rahmat.

Kidung Pasamuan Kristen 124. SAMEKTA

1. Pitulung kita kang rosa samekta,

lir mitra kang tuhu setya samekta,

lamun kesasar neng margi Gusti nglari Ian nimbaIi

rumiyin myang samangke tetepsamekta,

samekta, samekta,

rumiyin myang samangke tetep samekta.

2. Tansah mirsa bot repotmu: Gustimu

karsa nanggel k'rubedanmu: Gustimu

lamun pasrah ing Pyambake, kita mireng ing sabdane:

"Lah ta mareka marang Ingsun: Gustimu,

Gustimu, Gustimu.

Lah ta mareka marang Ingsun: Gustimu."

Kidung Pasamuan Kristen 125. PASRAH SUMARAHA

1. Aja sumelang bab uripmu, ywa cilik ing kalbu

yen pepeteng nglimputi ati ngayoma mring Gusti

Refr:

Allah yeku Rama ngreksa sira salaminya

Pasrah sumaraha mrih tentrem raharja.

2. Lamun tininggal sanak kadang ywa semplah ing driya yen kamukten kamulyan ilang mantepa pracaya,

Refr.:

3. Lamun tinempuh kacingkrangan prayitna mring dosa

yen kena lelara panandhang waspada mring godha,

Reff :

Kidung Pasamuan Kristen 126. NGRANGKUL SALIB

1. Dak rangkul salibe Gusti kang agung tresna lan sihe

sarta dhangan dak ungseni dak rangkul salibe

Refrain:

dak rangkul salibe, dak rangkul salibe

yeku margining sih rahmat dak rangkul salibe.

2. Yen aku kabidhung susah ing ati rasane lesah

mesthi malih dadi bungah yen ngrangkul salibe,

Refr.:

3. Ing sajroning karubedan sarta yen nyangga momotan,

Gusti kang paring karosan dak rangkul salibe,

Refr. :

4. Sanadyan kabotan susah utawa atiku bungah,

nging tansah tresna mring Gusti dak rangkul salibe,

Refr.:

Kidung Pasamuan Kristen 127. KULA TYANG PRACAYA

1. Kathah tyang kang rebadan drajad lan kamulyan nggih sami kamitegan ngurbanken mring liyan

kula tyang kang pracaya mbangun turut Gusti ngudi ing gegayuhan klayan mursid yekti

2. Kathah tyang kang rebadan pangwasa-wisesa silih sung kasangsaran nyenyebar cintaka

kula tyang kang pracaya mbabar kraton swarga ndherek nata bebrayan manut ing Pangeran.

3. Kathah tyang kang rebadan kasugihan donya silih pejah-pejahan wah ngrisak pepadha

kula tyang kang pracaya mung mbabarken tresna sugih mlarata tansah dadya margi berkah.

Kidung Pasamuan Kristen 128. KABEGJAN KANG SEJATI

1. Kabegjan kang sejati tinunggil Gusti

yen panggodha ndhatengi gya den tulungi

mrih manteb pracaya wah tetep waluya

malah ngesorken dosa yekti mursidnya.

2. Kabegjan kang satuhu rineksa Gusti

yen panandhang ngreridhu gya den luwari

mrih kraharjan nyata sinandhang slaminya

mila tansah sung puja wit sih piwlasnya.

3. Kabegjan kang sanyata jinangkung Allah

yen rinoban sengsara gya den entasna

mrih ayem ing manah sarta tentrem tansah

memuji datan kendhat nggunggung sih rahmat.

Kidung Pasamuan Kristen 129. TANSAH BINGAH

1. Tyas kita sestu raharja sinung kabegjan nyata

dene Allah Kang Ma’kwasa nganggep putra mring kita

Refr

mara tansah bungah-bungah wit tinunggil Ian Allah

sarta ngambah dalaning pepadhang kang dugeng kasampurnan.

2. Hyang Maagung ngreksa kita nguwalken sing bebaya

sihnya sung lipur ing driya nyantosakken pracaya

Refr. :

3. Yen kita nyingkur Pangeran neng ati was sumelang

nging yen sumuyud mring Allah tinuwukken ing berkah

Refr. :

4. Yogya kita mursid yekti ajrih asih mring Gusti

Roh Suci mbelani kita nglawan pangrehing dosa

Refr.:

Kidung Pasamuan Kristen 130. ALLAH DADOS PEPADHANG

1. Allah kang dados padhang nuntun dhateng kraharjan,

astanya sestu santosa ngreksa tyang kang pracaya,

pepadhanging Allah nganthi ngirid ing ngajeng lan wuri,

ngantos dumugeng swargi.

2. Allah kang dados pepadhang nuntun klayan kaloman

sabdanya kebak pangwasa sung pangayoman nyata

sestu pepakening Allah nyegerken manah kang lesah

wah ngiyatken ing lampah.

3. Allah kang dados pepadhang nuntun ing margi yekti.

mring margining kasampurnan gayuhaning pra suci

kula badhe salaminya ndherek Gusti kanthi setya

wit mesthi dugeng swarga.

4. Allah kang dados pepadhang madhangi manah kula

salaminya kula gesang tansah pasrah pracaya

kula tan ajrih bebaya karubedan wah sangsara

wit Gusti nganthi kula.

Kidung Pasamuan Kristen 131. AYEM WONTEN ING GUSTI

1. Ayem neng Gusti Yesus ayem ing Sang Kristus,

sinungan gesang nyata tinebus sing dosa,

wonten kidung ngumandhang sumyaking tyas girang

pamujining pra suci nggunggung sihing Gusti.

Ayem neng Gusti Yesus ayem ing Sang Kristus,

sinungan gesang nyata tinebus sing dosa.

2. Ayem neng Gusti Yesus ayem ing Sang Kristus,

sinung panglipur yekti dening Sang Roh Suci,

wonten kidung tan kendhat pujining pra umat,

wit gung prasetyeng Gusti samya den tetepi,

Ayem neng Gusti Yesus ayem ing Sang Kristus,

sinung panglipur yekti dening Sang Roh Suci.

3. Ayem neng Gusti Yesus ayem ing Sang Kristus,

sinung kabegjan tansah dadya putreng Allah,

wonten kidung gung endah sru nggunggung mring Allah,

de sisah lan sangsara nunten enggal sirna,

Ayem neng Gusti Yesus ayem ing Sang Kristus,

sinung kabegjan tansah dadya putreng Allah.

4. Ayem neng Gusti Yesus ayem ing Sang Kristus,

sinung kraharjan swarga kalis sing antaka,

wonten kidung nengsemna ngebaki bawana,

pujining pra tyang ngantya mring gesang sampuma,

Ayem neng Gusti Yesus ayem ing Sang Kristus,

sinung kraharjan swarga kalis sing antaka.

Kidung Pasamuan Kristen 132. KABEGJANING TIYANG KRISTEN

1. Samangkya kita merdika uwal sing rehing dosa

ngegungken bekti mring Gusti wah asih mring sesami

Reff:

mung kraharjan lan kabegjan kang tansah ngiring gesang

tinebus Sang Kristus Gusti kula sinung basuki.

2. Mangkya kita titah anyar nyingkur kadonyan tansah

budi luhur, andhap asor leladi trus ing manah,

Refr.:

3. Mangkya kita putreng Allah tansah nglantarken berkah

mbelani tyang kang sangsara ngrimat tyang kang cilaka,

Refr:

4. Mangkya kita Umat Kristen kang tansah ndherek Gusti

Injil suci winartosken srana katresnan yekti,

Refr:

Kidung Pasamuan Kristen 133. RUMENTAHING PALIMIRMA

1. Kula tyang dosa klangkung ageng rinentahan palimirma,

punika ngeram-eramaken, kawula sewu tan nyana,

mangke tan wonten paniksa, (2X). ming rumentahing sih mirma (2X)..

2. Allah ngasihi dhateng kula dosa kula ingaksama,

tan wonten mulading bendunya wit kula ingangkat putra

kula punika sinten.ta (2X) de rinentahan sih mirma (2X).

3. Sayogya kula gunggung-gunggung palimimanipun Allah

kang nglepataken saking ukum wah nucekaken ing manah

panggunggung kula tan liya (2X) ming bab rentahing sih mirma (2X).

Kidung Pasamuan Kristen 134. AJA ADIGANG, ADIGUNG, ADIGUNA

1. Saliring tyang adigang mung nyebar panandhang

wateknya kamitegan nindhes mring sanes tyang

pituwasnya bebendu bramantyaning Gusti

nging tyang tresna satuhu gesang yekti (2X).

2. Salir tyang adigung mung nandur sangsara

remen umuk gumunggung ngina mring pepadha

mesthi ngundhuh antaka wit adiling Allah

nging tyang kang andhap asor sinung berkah (2X).

3. Salir tyang adiguna mung ndhedher cilaka

nganggep Allah tan ana sabdanya mung nglaha

nggih panen karisakan dukaning Pangeran

nging tyang ajrih sih Allah kinasihan (2X).

4. Tyang kang ngendelken dhiri mung ngingah bilai

ngangah-angah kadonyan gesangnya lir kewan

pikolehnya mung pati wah gesang ing peteng

tyang ngandel Kristus Gusti rarja langgeng (2X).

Kidung Pasamuan Kristen 135. KULA SUMARAH MRING ALLAH

1. Gesang kebak kekeran angel den jajagi

dhateng ing kasangsaran nggih silih gumanti

namung Paduka Gusti mirsa samukawisnya

kula pasrah sumarah ing reh Paduka.

2. Gesang kebak kekeran angel den jajagi -

reribed kasisahan silih andhatengi

aneng astane Gusti kula tan semplah ati

kula pasrah sumarah ing rehing Allah.

3. Gesang kebak kekeran angel den jajagi

panggodha wah pacoban mung ngrerujit ati

wit pitulunge Allah kula manteb pracaya

kula pasrah sumarah ing rehing Allah.

Kidung Pasamuan Kristen 136. PANGANDEL DHUMATENG ALLAH

1. Neng are wah neng gunung, mung neng rgarseng AIlah

aneng ngendi dumunung nggih pinanggya tansah

endi kang dadi cipta lan osiking ati .

kapirsanan sadaya ing Allah Hyang Widi.

2. Mung Gusti kang Makwasa mengku samubarang,

salir tyang kang pracaya mesthi tinulungan,

manuk ing awang-awang Allah kang ngingoni,

suket lan thethukulan wrata den paesi.

3. Bumi dalasan swarga winengku Pangeran,

jasad gedhe cilika Allah tan klimengan,

sawernaning pra titah sajagad warata,

namung nelakken tansah piwlas lan kwasanya.

4. Wong pracaya den ayem tansah kumandela,

neng padhang lan neng peteng Allah tansah ngreksa,

yen kabotan momotan siningkang ing kadang,

Gustimu nunggil tansah dipanggah ywa semplah.

Kidung Pasamuan Kristen 137. KANG LANGGENG SIHE ALLAH

1. Saprakara kang pantes den upadi yeku Kratoning Allah Sang Rama

samubarang pinaringken tumuli angger sumuyud jroning pracaya

Refrein:

kabeh mung nglaha, kabeh mung nglaha, sarwa kadonyan wus mesthi sirna

mung sihe Allah kang langgeng slamanya tyang kang ngayom wus mes thi raharja.

2. Drajad kasugihan wah kasenengan, ginayuh kanthi margi utami,

aywa lali kang aji lan sejati, yeku setya wah nunggil lan Gusti,

Refr.

3. Sagunging kadonyan ingkang kadarbya, iku sranane mbabarken tresna,

yen dugeng janji tan badhe binekta, mung gesang langgeng bandha ing swarga,

Refr.

Kidung Pasamuan Kristen 138. PANGANDEL

1. Mung sarana pracaya aku sinung waluya

uwal sing rehing pati tinebus dening Gusti

Reff :

Ayem tentrem ing kalbu wit Allah Pamartaku

Gusti andel-andel yekti slaminya dak bekteni.

2. Srana pasrah Pangeran aku sinung kabegjan

ing sisah dalah bingah tansah tinunggil Allah,

Refr.:

3. Srana kumandel nyata aku sinung raharja

ing siyang ratri tansah rinoban dening berkah,

Refr.:

Kidung Pasamuan Kristen 139. MUGI GUSTI ANGUTUS UTUSAN

1. Mugi Gusti karsa angutus utusan kados duk kinanipun

ingkang ngemban sabdaning Allah lan martosken sih piwelaspun

supados tyang salumahing bumi sami nampia Injiling Gusti.

2. Mugi Gusti ngutus pra abdi sembada lan setya sami nyebar,

pawartosing kawilujengan mring salumahing bumi gumelar,

supados tyang sami pitadosa, temah ngraosken tentrem raharja.

3. Mugi Gusti madhangi manah kang peteng wit pamengkuning dosa,

temahan pra tiyang kang wangkot lan kang kawengku ing gugon tuhon,

mratobata pitados mring Gusti klayan bingah asmane pinuji.

Kidung Pasamuan Kristen 140. SANG KRISTUS TAMENG SANTOSA

1. Sang Kristus tameng santosa nguwalken saking rubeda,

neng jroning bebaya pati Gusti kang badhe nulungi,

Reff :

Gusti peparangku tansah ngayomi, angayomi, angayomi,

ampinganku sajroning prahara pangungsen ingkang santosa.

2. Sang Kristus Pangen kang setya anggiring sagung mendanya

mring panggenan tentrem yekti menda tansah den ayomi,

Refr. :

3. Sang Kristus mulung astanya kalamun rumpil marginya

yen ical dipun upadi kepanggih dipun rimati

Re f r. :

Kidung Pasamuan Kristen 141. GESANG DADOS KIDUNG

1. Gesang kula dados kidung sumaos mring Pangeran,

wit sihnya saklangkung agung maringken kaslametan,

ing kabegjan wah sangsara tansah memuji Gusti,

srana kamursidan nyata krana anyar ing budi.

2. Lamun kabotan ing susah wah karoban ing bungah,

kula manteb ing pracaya ngayom ing sih rahmatnya,

sanadyan sengseming donya nggodha wah milut ati,

kula mesthi tansah setya mbangun turut mring Gusti.

3. Pocapan wah tingkah laku mobah mosiking kalbu,

dadya kidung konjuk Allah wit sih rahmatnya tumrah,

sayogya sengkut makarya kagem Kratoning Allah,

yeku sokur trusing driya konjuk mring Gusti tansah.

Kidung Pasamuan Kristen 142. MUNG KRISTUS JURU BASUKI

1. Mung Sang Kristus Yesus Gusti Juru basuki

wit sih tresnanya mring sagung manungsa

ngantos ngurbanken sriranira mila tyang kang pracaya

sinungan gesang nyata wah tentrem raharja.

2. Mung Sang Kristus Yesus Gusti Juru Basuki,

sabdanya yekti kebak ing pangwasa

nggih sabdaning Allah pribadya tyang kang manut Ian setya

ing gesangira mung kabegjan kang pinanggya.

3. Mung Sang Kristus Yesus Gusti Juru Basuki,

panunggil Ian panuntuning pangrehnya

sestu sung santosaning driya tyang pracaya sumarah

sinung ayem ing manah wah tan nate semplah.

Kidung Pasamuan Kristen 143. MUNG TANSAH PASRAH MRING GUSTI

1. Aku tan nate mangerti kapan begja cilaka

mung tansah pasrah mring Gusti yeku Pamarta setya

manteb pracaya ing ati manut reh lan sabdaNya

tinuntun dumugeng swargi ing kasampurnan nyata.

2. Aku asring tan mangerti karseng Allah Makwasa,

donga panyuwuning ati tan kajurungan nulya,

nging yektine Gusti nganthi astanya tansah ngreksa,

wit panuntuning Roh Suci kasoran rehing dosa.

3. Nasibku ing rehing Gusti tan ana pangreh liya,

kasarasan lan rejeki imbuhing sih nugraha,

rancangan tinata tliti pratandhaning pracaya,

aku tan kwatir tan wedi mung begja kang pinanggya.

Kidung Pasamuan Kristen 144. MARGI DHATENG SWARGA

1. Nyebuta Gusti mring Sang Kristus, nging yen tan kanthi tulus

mung kembang lambe tanpa laku rehing dosa den gugu

kasangsaran temahanira naraka pandumannya

Refr :

kang mlebet mring kratoning swarga namung tyang kang mbabarken tresna

nglampahi mring karsaning AIlah sepi ing pamrih tansah.

2. Salir tyang kang lampah utami welasan mring sesami,

mbelani tyang ringkih sangsara nadyan kanthi toh nyawa,

yeku muriding Kristus Gusti nggih tyang kang mursid yekti,

Refr :

3. Saestu begja-begjaning tyang ing donya wah klanggengan,

pracaya Gusti Sang Pamarta tansah nulad ing sihnya,

dalah tyang kang nyatroni pisan winales kasaenan,

Refr :

Kidung Pasamuan Kristen 145. NUNGGIL KALIYAN GUSTI

1. Yen nunggil Ian Gusti rinten dalu

manah langkung tentrem arahayu

Refr :

kula angantya Gusti ratri klayan rina

nyuwun berkah dhuh Gusti , Gusti kula.

2. Yen nunggil lan Gusti jro ginodha,

kula mesthi unggul nglawan dosa,

Refr. :

3. Yen nunggil Ian Gusti kasisahan,

mantun kagentosan kabingahan,

Refr.:

4. Yen nunggil Ian Gusti siyang ratri,

birat najis kula temah suci,

Refr :

5. Yen nunggil Ian Gusti saged ngertos,

kang dados karsanya ing sayektos,

Refr :

Kidung Pasamuan Kristen 146. GUSTI YESUS PAMARTA

1. Gusti Yesus Pamarta dados Pangungsen kula

kula dipun luwari sing pamengkuning pati

srana rahing Sang Kristus gesang kula tinebus.

2. Gusti Yesus Pamarta kang nunggil gesang kula,

kula tansah kinanthi ngantos dumugeng janji,

mila kula tan wedi martosken sihing Gusti.

3. Gusti Yesus Pamarta dados pangungsen kula,

yen ketaman bilai kula nenga mring Gusti,

nyadhong pangluwar yekti temah tentrem ing ati.

Kidung Pasamuan Kristen 147. PANGUNGSEN KULA

1. Gusti Pangungsen kula sestu gung sih rahmatnya

ing sajroning panandhang wah yen bebaya nrajang

Gusti sung pangluwaran kula manggih kraharjan.

2. Daya karosan kula winates wontenira

srana pasrah sumarah mring reh kwasaning Allah

kula manggih kabegjan ngantos dugeng klanggengan.

Kidung Pasamuan Kristen 148. NYAWISI PAPAN MRING GUSTI

1. Gustimu kepareng mundhut papan aneng atimu

resikana dimen patut Gusti karsa lumebu

rungokna pangandikanya aja padha semaya

nyawisna papan mring Gusti aneng sajroning ati

2. Tan liya kersane Gusti, mitulungi wong dosa,

kang siyaga mbukak ati, dadya padalemannya,

Re f r. :

3. Rahayu tyang kang samekta, saos papan mring Gusti,

antuk padhanging wardaya, kang tumurun sing swargi,

Refr. :

Kidung Pasamuan Kristen 149. GUSTI NUNTUN

1. Gusti nuntun lampah kula saklangkung nggen kula begja

celak miwah tebih ugi tansah dipun kanthi Gusti

Reireln:

nggih Gusti kang nganthi kula astanya pyambak kang ngreksa

mila kula manut Gusti kang dados Panebus yekti.

2. Dadosa ing wanci siyang, punapa kesaput ratri,

manah peteng miwah padhang, kula tansah dipun kanthi,

Refr.:

3. Gusti nuntun kula pasrah, klayan nrimah ing satitah,

nadyan ngantos dugeng janji, kula tansah dipun kanthi,

Refr. :

Kidung Pasamuan Kristen 150. KUMANDELA, PRACAYAA

1. Mara den etunga berkahing Allah Rama

atinira mesthi kaeraman gungnya tanpa wilangan

mula ja kuatir sumelang nging sumendhea Pangeran

Reff:

Kumandela pracayaa

upadinen Kratoning Allah atimu ayem kabegjan tumrah

kang murbeng rat muwuhi berkah ing sih rahmat.

2. Mara waspadakna mukjijad sing Sang Rama

dalah prakara kang mung prasaja margining pangrimatnya,

maringken bagas kasarasan Ian kacekapaning gesang,

3. Mara den gatekna pangrehing Gustinira,

denya ngrimati pra makluk wrata ing rehing alam raya,

uripira langkung pangaji Ian sagung pra makluk sami,

Kidung Pasamuan Kristen 151. MUNG ALLAH MAHA KAWASA

1. Nadyan sira pinter alinangkung tan jajak kekeraning Hyang agung

sayogya sira aja gumunggung leladia mrih Gusti ginunggung,

Reff:

Mung Allah Kang Mahakawasa wah tansah langgeng pangrehira,

bala swarga makluk wrata nelakken kamulyannya

tyang kang mursal nemahi bilai kang ajrih asih manggih basuki.

2. Nadyan sira luber sugih yekti, nging luwih sugih langit Ian bumi,

mula den andhap asor ing ati, loma mring Gusti dalah sesami,

Reff :

3. Nadyan sira luhur wah sinembah, tan sande bali mring lebu tanah,

mula nyaosna gesang mring Allah, dadya lantaran sih rahmat tumrah,

Reff :

Kidung Pasamuan Kristen 152. YESUS SANG PAMARTA

1. Yesus yeku Sang Pamarta karsa ngluwari tyang sangsara

mbirat saliring memala nglipur tyang kang nandhang papa

kang pengin raharja yekti gya mareka mring Yesus Gusti

kang pengin raharja yekti gya mareka mring Yesus Gusti.

2. Yesus Sang Juru basuki, lembah manah luber ing budi,

tan mawang mring saliring tyang, kang ngayom nggih tinulungan,

Re f r.

3. Yesus Sang Juru Panebus, tresnanira sayekti tulus,

tyang najis, dosa, duraka, yen mratobat ingapura, Ref r.

Kidung Pasamuan Kristen 153. GUSTI YESUS KRISTUS

1. Aku mesthi nyaritakna bab Yesus Sang Pamarta

Pepadhanging jagad nyata Putreng Allah Makwasa

nggih jatining kayektosan wah malih kauripan

margining tyang dugeng swargi Imam agung sejati

Sang Pangen, Panebus jalma Pantaraning manungsa.

2. Aku mesthi nyaritakna bab Yesus Sang Pamarta

yeku Sang Kristus Masuci Gustining sagung Gusti,

ratuning salir pra ratu nggih Sang Guru satuhu,

sabdeng Allah kang manjalma dadya putreng manungsa,

nggih ugi cempening Allah Abdining Sang Yehuwah.

3. Aku mesthi nyaritakna bab Yesus Sang Pamarta,

panutaning tyang pracaya nggih Ratu Adil nyata,

Sang Alpha Ian Sang Omega Pangreh jagad Ian swarga,

sesirahing pasamuwan sarta sumbering gesang,

Hakim ing dinten wekasan kang datan mawang mring tyang.

Kidung Pasamuan Kristen 154. ALLAH PANGAYOMANMU

1. Allah yeku Pangen satuhu kang ngreksa tansah uripmu

Pracayaa sarta mituhu wah bekti kang trusing kalbu

yen bebaya nempuh sira ywa semplah alit ing driya.

2. Gusti nganthi mring sira tansah tan kendhat ngluberken berkah

yen sira rinoban bebaya wah mikul salib sangsara

pitulungnya datan kendhat mula ngayoma dikebat.

3. Sang Roh Suci nunggil mring sira nyantosakken ing pracaya

mrih menang nglawan mring panggodha waspada juliging dosa

manuta ing sapangrehnya temah dugeng kraton swarga.

Kidung Pasamuan Kristen 155. PASEKSI SAYEKTI

1. Tyang kang pracaya nyawiji wit Sang Kristus Gusti

Lir badan kang mung sajuga lan gegelitannya

yeku paseksi sanyata Yesus Sang Pamarta.

tansah silih, mbiyantoni ngarah gesang suci

2. Santosaning patunggilan tinangsul katresnan

samya silih angladosi tan ngegungken dhiri

sengkut makarya ngundhangken wartos kabingahan

yeku paseksi sanyata Yesus Sang Pamarta.

3. Pinta-pinta nugrahanya peparinging Rama,

runtut lumados mring Gusti wit sadaya aji

lelados mring gung sesami mrih tentrem raharja

yeku paseksi sanyata Yesus Sang Pamarta.

Kidung Pasamuan Kristen 156. TIMBALAN DADYA DUTA SEMBADA

1. Kathah tyang samya nandhang tilingna

mbetahken pitulungan tilingna

reff :

Gusti nimbali sira dadya duta sembada

mbabarken sih rahmatnya tilingna.

2. Kathah tyang samya semplah, tilingna,

betah lubering berkah, tilingna,

reff :

3. Kathah tyang samya sedhih, tilingna,

mbetahken welas asih, tilingna,

reff :

4. Kathah tyang dadya kurban, tilingna,

mbetahken pangluwaran, tilingna,

reff :

Kidung Pasamuan Kristen 157. NYUWUN KALANTING ING GUSTI

1. Ing margi kang rumpil sarta sepi giris nglimputi mring kula

lungkrah raga wah semplah ing driya lir tyang kang tinegakken Sang Rama

Reff :

mlampah pyambak datan dumugi Gusti mugi nglantinga

mrih gesang maedahi sesami wah kamulyaning asma Paduka.

2. Kawula kesandhung sarta dhawah karana lungkrah sulayah,

kang kula ungseni namung Gusti wit sihnya kula manggih basuki,

Reff :

3. Yen kula tinempuh ing prahara ajrih kuwatos ing driya,

mung Gusti kang kula antya-antya sabdanya ngiyatken,gesang kula,

Refr.

Kidung Pasamuan Kristen 158. ASMANYA MA’KWACA

1. Gusti Kristus Maha kwasa nggih tetameng santosa

sagunging tyang kang pracaya mesthi den ayomana,

Asmanya Makwasa nggih tetameng santo sa

As maNya Makwasa tumrap tyang kang pracaya.

2. Piandel urip sayekti namung asmaning Gusti,

ing panggodha wah sangsara sung santosaning driya,

Reff :

3. Asmaning Sang Kristus Gusti mbereg remen leladi,

mrih gesang tentrem raharja jagad rinoban sihnya,

Refr.: .

4. Undhangna asmaning Gusti ing salumahing bumi,

mrih salir tyang nampi warta Ratu Adil wus prapta,

Refr:

Kidung Pasamuan Kristen 159. SANG KRISTUS MAASIH

1. Lamun sira sangsara krana rehing dosa

yogya pasrah. mring Gusti dyan linuwaran yekti,

Sang Kristus Maasih mring tyang kang ringkih

ywa mamang ngayoma temah sira tentrem raharja.

Refr.:

2. Yen sira kamomotan kabotan sesanggan,

yogya ngungsi mring Gusti mesthi den pitulungi,.

Refr.:

3. Yen sira karupekan siningkang ing kadang,

rumaketa mring Gusti mrih tan semplah ing ati,

Refr.:

4. Yen sira kasusahan rinoban panandhang,

sumendhea mring Gusti sira mesthi kinanthi,

Refr.:

Kidung Pasamuan Kristen 160. KRATON SWARGA

1. Neng Kraton swarga sestu gung panggenannya

salir tyang tinimbalan mlebet samya

mila Sang Kristus manjal ma tedhak donya

ngurbanken srira nylamet ken manungsa

reff :

yogya tampanana sih rahmating Gusti

temahan sira mang gih urip sayek ti

tentrem raharja tansah ngerobi sira

wasana ngrasuk kasampurnan swarga.

2. Saben tyang rebut bener mlebet mring swarga,

ngambah margi pilihannya pribadya,

nging mung tyang pracaya sarta olah tresna,

yeku kang ndherek Gusti mlebet swarga,

Refr. :

Kidung Pasamuan Kristen 161. TYANG KANG PRACAYA

1. Tyang kang pracaya tetep waluya yen nunggil Sang Pamarta

lir pang datan alum lamun tetep ing wit ira

Reff:

tyang kang tansah manut rehing Gusti mung kabegjan kang pi nanggya

bi nerkahan rinten lan ratri rineksa astanya.

2. Salir pra suci tuwuh basuki yen tan pegat Ian Gusti,

lir pang kang medal wohira yen tan pisah witnya,

Refr. :

3. Tyang kang pracaya badhe sampuma karana Sang Pamarta,

lir pang kang kathah wohira mung karana witnya,

Refr. :

4. Tyang kang pracaya nging tanpa laku mesthi manggih bebendu,

lir pang kang tan ana wohnya pinagas dyan sima,

Refr. :

Kidung Pasamuan Kristen 162. DHUH GUSTI PEPADHANG YEKTI

1. Dhuh Gusti Pepadhang yekti mugi nuntun kula

ngambaha margi utami nggih bebener nyata.

2. Dhuh Gusti nggih Sang Pamarta mugi nunggil kula, ing sangsara lan bebaya tan semplah ing driya.

3. Dhuh Gusti nggih Sang Roh Suci mugi nganthi kula,

tansah gesang mursid yekti teguh ing pracaya.

4. Dhuh Gusti yeku Sang Sabda mugi nglanting kula,

sesanggening tyang pracaya tansah katindakna.

5. Dhuh Gusti Sang Pangen nyata mugi ngreksa kula,

nadyan rinoban bilai manggiha basuki.

Kidung Pasamuan Kristen 163. PITOBAT

1. Biyen nglirwakake sabdaning Gusti

mung karepe dhewe kang dituruti

samangkya mratobat nampi sih rahmat

migatosken tansah karsaning Allah

Reff:

mring Yesus Pamarta pasrah jiwa raga

sinung gesang yekti unggul sing pati.

2. Biyen nggunggung dhiri mburu kadonyan,

tan nggape mring Gusti nyingkur kaswargan,.

mangkya anoraga ngendelken Gusti,

mempeng nggayuh swarga mbabar sih yekti,

Refr.:

3. Biyen urip mblunthah mursal ing lampah,

nguja hawa raga manut ing dosa,

mangkya mesu budi ing lampah suci,

martosken Injilnya maring pepadha,

Refr. :

Kidung Pasamuan Kristen 164. AGUNGING SIH RAHMAT

1. Sestu adi wah gung yekti sih rahmat sing Gusti

nylametken kula tyang dosa dyan tentrem raharja

2. Nggih sih rahmat kang sung begja mring tyang kang pracaya,

sing pejah wit rehing dosa mangkya gesang nyata.

3. Sih rahmat niku sung padhang mring manah kang lesah,

nuntun tyang mursal wah nglambrang setya bekti Allah.

4. Nadyan kathah pepalangnya nyanggi salib ugi,

nging sih rahmat nuntun kula tulus tresna Gusti.

5. Yen sampurnaning sih rahmat binabar sanyata,

kula manunggal tan pegat lan Gusti ing swarga.

Kidung Pasamuan Kristen 165. JATINING KATRESNAN

1. Lamun kula anglampahi tindak luhur mulya

nging yen tanpa tresna yekti muspra tanpa gina

Reff :

kula winulanga tansah lampah tresna lelabet sesami nulad tindaking Gusti

kula winulanga tresna trusing ati nggih nuladha tindaking Gusti.

2. Lamun kula angucapna gung basa ing donya,

nging yen sepi ing katresnan lir gong bendhe ngangkang,

Refr. :

3. Lamun kula andanakna bandha dalah nyawa,

nging mung krana tuhu tresna pituwase nyata,

Refr. :

4. Tresna iku sepi pamrih wah luber ing budi,

tan gumunggung lembah manah tansah andum berkah,

Refr. :

5. Tresna iku sabar drana tulus angapura,

tepa slira wah jatmika myang lampah utami,

Refr. :

Kidung Pasamuan Kristen 166. ORA ET LABORA

1. Ora et labora ndedonga makarya yeku sesantinya sagung tyang pracaya

mbangun jagad donya temah gesang raharja Ora et labora ndedonga ma karya.

2. Ora et labora ndedonga makarya mbangun nagri-praja, nusa sarta bangsa

Gusti ingkang nganthi lelabet trusing ati Ora et labora ndedonga makarya.

3. Ora et labora ndedonga makarya ngladosi sesami wit tresna sayekti

nyirnaken panandhang wah mbrastha kasangsaran Ora et labora ndedonga makarya.

4. Ora et labora ndedonga makarya mbelani sesami mrih gesang basuki

ngudi kaadilan bener wah kajujuran Ora et labora ndedonga makarya.

Kidung Pasamuan Kristen 167. PANUNTUNING GUSTI

1. Allah Rama ngreksa ngrimati kula

kabegjan kraharjan kang pinanggya

lamun nyanggi momotan lan sangsara

tinunggil mrih tan ngantos semplah,

reff :

kula pasrah lan sumarah mring Gusti panuntunnya wus mesthi prayogi

ing wusananya kula dugeng swarga satuhu ngrasuk gesang sampurna.

2. Yesus Gusti nebus kula tyang dosa, wah ngiyatken kula gesang suci,

manggul salib wit ndherek Sang pamarta, nekseni margining basuki.

Refr. :

3. Sang Roh Suci nuntun kula mring swargi, ing lampah utami manut Gusti,

labuh labet mbabar adil satuhu, bebener wah tentrem rahayu,

Refr.:

Kidung Pasamuan Kristen 168. NDEDONGA LAN MAKARYA

1. Ndedonga lan makarya kanthi trusing driya mbabarken sihing Gusti mring sagung sesami

murih tentrem raharja sumrambah sadonya asmanya kang Mamulya pinuji slaminya.

2. Ndedonga lan makarya kanthi sukarena, martosken Injil suci wrata ing sabumi,

mrih sih rahmating Gusti tinampi sesami, temah samya wilujeng sarta gesang langgeng.

3. Ndedonga lan makarya mrih tansah waspada, yen tinempuh panggodha tan gumiwang tiba,

manggul salib wit Gusti manut ing prentahnya, tansah setya ngabekti Ian manteb pracaya.

Kidung Pasamuan Kristen 169. SUMARAH MRING ALLAH

1. Sumarah mring Allah jiwa raga rineksa astanya tansah begja

yen rinoban sisah manah datan lesah sinung kakiyatan sing Pangeran.

2. Sumarah mring Allah jiwa raga, mbangun turut Gusti trusing ati,

yen ginoda dosa binujuk duraka, kekah sarta setya ing pracaya.

3. Sumarah mring Allah jiwa raga, rinoban ing berkah ayem nyata,

yen nyanggi momotan dalasan panandhang, mesthi den tuwari dening Gusti.

4. Sumarah mring Allah jiwa raga, rinimat, rineksa ing sih mirma,

yen ingarah pati wit bebener yekti, manteb dugeng janji Gusti nganthi.

5. Sumarah mring Allah jiwa raga, tinuntun ing sabda dugeng swarga,

yen wonten bilai wah miris ing ati, sinung lipur yekti sing Roh Suci.

Kidung Pasamuan Kristen 170. GUSTI MUGI NUNTUN KAWULA

1. Gusti mugi nuntun kawula tansah setya ndherek Paduka

nadyan awrat momotanira nging kula tansah manggih begja.

2. Gusti mugi nglanting kawula ngambah margi bebener nyata,

nadyan rumpil kathah bebaya nging tatag tan semplah ing driya.

3. Gusti mugi nunggil kawula nglawan salir pangrehing dosa,

temah kula unggul ing yuda manggih kasampurnan ing swarga.

Kidung Pasamuan Kristen 171. UTUSANING GUSTI

1. Ing jagad kang peteng krana dosa kathah tyang kang sulayah

awrat ing panandhang mila nggresah samya semplah ing manah

Refr:

sumangga Gusti ngagem kawula mbabar tresna kang sanyata

sumangga Gusti ngutus kula numrahken berkah dhateng tyang kathah.

2. Angundhangken sih rahmating Gusti lelabet wah leladi,

margining tyang luwar sing sangsara temah samya raharja,

Refr. :

3. Ngundhangken Injil kratoning swarga klayan tumindak nyata,

pangluwaran sing kwasaning dosa temah gesang sembada,

Refr. :

Kidung Pasamuan Kristen 172. TANSAH PADHA BEBUNGAHA

1. Tansah padha bebungaha krana kabegjan sanyata

de kita samya tyang dosa nging tinebus sing antaka

Reff:

tansah bungah ing patunggilaning Gusti

tansah bungah wit sinung gesang sayekti.

2. Tansah olah kabecikan leladi tan mawang mring tyang

yeku pratandhaning sokur mring sihing Allah Maluhur

reff :

3. Tansah manteb ing pracaya. tan sumelang wah tan wedi

tegen nyenyuwun ndedonga pasrah wit Gustimu nganthi

Reff.:

4. Tansah padha bebungaha wit tentrem raharja nyata

Gustimu ngreksa slaminya sawutuhing gesangira

Reff. :

Kidung Pasamuan Kristen 173. KORBAN SEJATI

1. Saosna badanmu mrih dadya korban

kang gesang lan suci konjuk Pangeran

yeku pangibadah ingkang sejati

tandha sokur tansah mring sihing Gusti.

2. Ywa madha ing rupa kalayan jagad

nging salina budya krana sih rahmat

dipadha niteni karsane Gusti

salir kang prayogi sampurna yekti.

Kidung Pasamuan Kristen 174. NULADA SANG PAMARTA

1. Dipadha sarujuk tunggal tresna tunggal budi lan tunggal sedya

wah samya andhap asor ing lampah nulada mring Sang Kristus tansah

Kristus Gusti Allah yekti nging manjalma ngesoraken dhiri

wah dadya abdi sinalib seda yeku babaring tresna sanyata.

2. Rame ing gawe ing pamrih sepi tan mung mikir badan pribadi

nging migatosna ing liyan ugi nulada mring Sang Kristus Gusti

Reff :

3. Remen ngalah wit luhur ing budi nobatken srana tresna yekti

kang den arah mung krahajan nyata nulad tindake Sang Pamarta

Reff

Kidung Pasamuan Kristen 175. TIYANG RAHAYU

1. Rahayu kang mlarat ing budi witdarbe Kraton swargi

rahayu tyang kang prihati wit nampeni panglipur yekti

reff :

Sang Kristus Guru sejati sabdanya den lampahi

Yoga den tut wuria prentahnya den estokna

2. Rahayu tyang alus budi nggih kang marisi bumi

kang luwe mring kasampurnan nggih mesthi badhe katuwukan

Reff :

3. Rahayu tyang kang welasan wit tinresnan Pangeran

salir tyang resik ing manah kepareng sowan ngarseng Allah

Reff :

4. Rahayu tyang kang ngrukunken yeku pra putreng Allah

kang kinuya wit kayekten yeku kang darbe kraton swarga

Reff:

5. Rahayu kang den pitenah krana bekti mring Allah

tansah mbangun turut Gusti ngudl ing gesang mursid yekti

Refr.

Kidung Pasamuan Kristen 176. KANG PINUNJUL KATRESNAN

1. Tyang kang sagah ngurbanken dhiri leladi ing pamrih sepi

mung tyang kang mbabar tresna nyata nulad tindake Sang Pamarta

Reff :

yekti amung telung prakara pangarep-arep lan pracaya

sarta katresnan nyata lelabet trusing driya ingkang pinunjul tresna

2. Kang mbelani tyang ringkih papa, mrih darbe aji manungsa

nggih tyang kang watek asih tresna kumedah nglantarken berkah

Reff :

3. Tyang kang ngrukunken tyang sulayan tansah ngarah katentreman

mung tyang kang olah ing katresnan wah nebihi ing kekerasan

Kidung Pasamuan Kristen 177. GUSTI YESUS RATU ADIL

1. Ratu adil kang sejati saestu namung sawiji

yeku Sang Kristus Gusti mengku swarga lan jagad rat nggih Panutaning pra umat

pinujia tan kendhat pinujia tan kendhat

2. Ratuning tentrem raharja kang luber ing sih rahmatnya

mring sagunging manungsa Ratuning kratoning Allah pangwasanya langgeng tansah

Sinembah salir titah, Sinembah salir titah

3. Kratonira katentreman pranatannya kaadilan

prajuritnya katresnan pangrehe bebener nyata peparinge gesang begja

pinujia slaminya, pinujia slaminya.

4. Sagunging tyang kang pracaya ngayom nggih dadya abdinya

tansah sinung raharja uwal sing pangrehing pati benjang sampurna ing Swargi

mila tansah memuji mila tansah memuji.

Kidung Pasamuan Kristen 178. GUSTI PEPADHANGING JAGAD

1. Gusti pepadhanging jagad gung luber ing sih rahmat

asihmring salir manungsa Samya den wilujengna

tinuntun mring margi padhang manunggil lan Pangeran

gesang mursid yekti tansah mbangun turut mring Allah.

2. Gusti pepadhang sejati nggih kang nganyarken budi

nglipur tyang susah ing manah ngiyatken tyang kang semplah

nyantosakken ing pracaya mrih unggul nglawan dosa

mring Allah tansah ngabekti wah nresnani sesami

3 Gusti pepadhang sing swarga sung gesang langgeng nyata

salir tyang ngayom ing sihnya sinung ayeming driya

tinuwukan srana berkah kasampurnan den arah

tinuntun ing sabda suci tansah ngener mring swargi.

Kidung Pasamuan Kristen 179. PANARIMA

1. Dhuh nyawaku den marema, Allah nunggil mring sira

Samubarang solan salin Allah tan owah gingsir.

2. Sadulur mitra myang tangga tan salaminya setya

nging Allah kang Maha mirah tansah ngluberken berkah.

3 Kathah tyang samya wiyaen tan nrimah ing kanyatan

ngangah-angah kang tan ana yektine tan keduga.

4. Dhuh nyawaku den marema wah aja sira ngangsa

sumendhe mrlng Allah Rama uripmu mesthi begja

Kidung Pasamuan Kristen 180. NGATURAKEN PISUNGSUNG

1. Pisungsung konjuk mring Gusti tan mung sapra sedasan

berkahnya rina lan wengi datan kenging ingetang

sawernaning kang pangaji konjuk ngarsaning Pangeran

2. Nulad randha miskin nyata nging loma pisungsungnya

sadaya kang den darbeki den saosken mring Gusti,

sawetahing gesang kula konjuk Allah Kang Makwasa.

3. Pisungsung kang trus ing ati karenan ngarseng Gusti,

kamirahannya ndhawuhi tyang ajrih asih yekti,

kanthi setya kula tansah lelados bekti mring Allah.

Kidung Pasamuan Kristen 181. SAOSAN SOKUR

1. Kula ananem wiji taberi ngrimati

nging tuwuh miwah suburnya Allah kang mberkahi

Pangeran paring jawah lan sunaring surya

wah saliring wohira nggih berkahing Rama

Reff :

Sumangga misungsung kanthi trusing manah

sadhengah barang darbe kita konjuk mring Allah.

2. Kula sengkut makarya ing saliring kardi

wit iku dados marginya berkah saking Gusti

sawarnining pakaryan tan ana kang nistha

asil gedhe cilaka mesthi murakabi.

Refr.

3. Kasarasan karosan berkahing Sang Rama

kapinteran kaprigelan wah aruming nama

ywa nganti anjalari gumunggunging ati

ing sagunging kahanan ngluhurken Pangeran.

Refr.:

Kidung Pasamuan Kristen 182. RIYADIN SAOSAN

1. Pra tyang pracaya sagung sumangga sung pisungsung

konjuk Gusti Makwasa ing dinten Pentakosta

wit berkahing Pangeran tyang nenanem panenan

kasil tyang kang makarya kabegjan kang pinanggya.

2. Wulu wetuning bumi dalah wohing makarti,

sinaosken mring Gusti kanthi tulus ati

sinartan karameyan bludaging kabingahan

dene berkahing Allah tan kendhat tansah tumrah.

3. Ing dinten Pentakosta dinten kang sestu adya

nggih riyadin saosan sung pisungsung mirunggan,

wit pangreksaning Gusti pasamuwan lestari,

tuwuh sarta ngrembaka kalis sing gung rubeda.

Kidung Pasamuan Kristen 183. PISUNGSUNG MIRING KANG MALUHUR

1. Gusti Kang Maluhur kula saos sokur

sung pisungsung klayan bingah wit lubering berkah

mugi dados marginira asma Paduka pinuja,

karsanta binabar nyata kraton swarga rawuha

Amin, Amin, Amin

2. Gusti Kang Maagung kula sung pisungsung

dados srananira greja leladi makarya

mbabarken tresnaning Allah

sumrambah mring tiyang kathah,

temahan Gusti pinuji ing jagad lir ing swargi,

Amin, Amin, Amin

Kidung Pasamuan Kristen 184. PISUNGSUNG WIT KAMIRAHANING PANGERAN

1. Kula tansah ngraosken bingah wit sih kamirahaning Allah

ngganjar kawilujengan nyata Iantaran kurbaning Sang Putra

mila kula saos pisungsung tandha sokur mring Allah Maagung

wit yektine gesang kula namung krana lubering sih rahmatnya.

2. Kula tansah manggih kabegjan wit karoban ing kamirahan,

saliring kabetahan kula kacekapan ing wancinira,

mila kula saos pisungsung tandha sokur mring Allah Maagung,

wit yektine gesang kula namung krana lubering sih rahmatnya.

3. Kula sinungan kasarasan krana sih mirahing Pangeran

temahan saged nambut kardi margine manggihken rejeki,

mila kula saos pisungsung tandha sokur mring Allah Maagung,

wit yektine gesang kula namung krana lubering sih rahmatnya.

Kidung Pasamuan Kristen 185. PISUNGSUNG KONJUK MRING ALLAH

1. Konjuk mring Kang Maha agung kawula sung pisungsung

cihnaning bingahing rnanah wit berkahing Allah

sumengka wah sinengkera Ian temen rineksa

dadya srana munpangati mrih kamulyaning Gusti.

2. Konjuk Allah kang Maluhur kawula saos sokur,

kebabaring raos urmat wit tansah rinimat,

dalah gesang kula mugi kagem dening Gusti,

dadya lantaraning berkah tumraha miring tyang kathah

3. Konjuk ing ngarsaning Allah kawula sung panrimah,

tandha ajrih asih kula wit gung sih rahmatnya,

mugi Gusti nggih karenan temah binerkahan

dadya margi Kratoning Allah binabar neng bumi

Kidung Pasamuan Kristen 186. PISUNGSUNG KONJUK MRING GUSTI

1. Jagad nampik sihing A1lah nyingkur mring Sang Pamarta

nging kula pracaya pasrah ngraosken sih rahmat nya

reff :

mangga sru ngidung ngunggung Hyang Widi wah sung pi sungsung konjuk mring Gusti

ngaturken pratandha sokur krana berkahnya mancur.

2. Jagad ndlarung aneng. dosa tansah mburu kadonyan,

kula bekti mring Sang Rama wit rino6an kabegjan, .

Reffr. : ,

3. Jagad manut rehing pati kang dugeng nraka langgeng,

kula tinuntun Roh Suci ing manah ayem tentrem,

Refr: :

4. Jagad remen ing pablunthah ngendhem sengit lan drengki,

kula'dadya putreng Allah mila tresna sesami,

Refr. :

Kidung Pasamuan Kristen 187. PISUNGSUNG JIWA RAGA

1. Jiwa raga kawula konjuk mring Sang Pamarta

mugi dados lantaran kamulyaning Pangeran kamulyaning Pangeran

2. Tangan suku kawula nindakken pakaryannya,

mrih sesami basuki nampeni sihing Gusti, nampeni sihing Gusti

3 Dalah kedaling ilat nggih ngundhangken sih rahmat,

temah asmaning Gusti datan kendhat pinuji, datang kendhat pinuji

4. Bandha lan kasugihan, wegdal wah kasagedan,

nggih gesang sawetahnya dadya pisungsung nyata, dadya pisungsung nyata.

Kidung Pasamuan Kristen 188. ASUNG PISUNGSUNG

1. Sumangga sung pisungsung mring A1lah Ma agung

krana gunging sihrahmat kang luber tan kendhat

2. Misungsung kanthi loma cihnaning panuwun,

de gesang tansah begja wit Allah kang nuntun

3. Bandha, arta pethingan kang katur mring Gusti,

bludaging kabingahan wit berkah tan sepi.

4. Saos pisungsung kathah cacahnya tan tim'bang,

lan gung berkahing Allah tan kenging winilang.

Kidung Pasamuan Kristen 189. SABDANING ALLAH

1. Sabdeng Allah Hyang Widi seksinya kitab suci

pepadhanging manungsa ing margi dugeng swarga

2. Sabdeng Allah Masuci wewaton gesang adi

kang mireng wah nindakna manggya tentrem raharja.

3. Sabdeng Allah Mamulya Nggih tetedhaning nyawa

tyang nggayuh kasunyatan samangkya tinuwukan

4. Sabdeng Allah Makwasa tameng nglawan panggodha

sampurna piwulangnya njangkepken tyang pracaya.

5. Sabdeng Allah Pangeran nggih badhe kalampahan

kang mokal datan ana wit agung pangwasanya.

Kidung Pasamuan Kristen 190. TYANG KANG MANUT ANGGER-ANGGER

1. Rahayu tyang utami ing lampah ngambah margi prentahing Sang Yehuwah

rahayu kang netepi sabdanya

tyang kang manut ing sapangrehe Gustisarta tansah telaten netepi

sakarsane klawan eklas ing ati.

2 Marginira tyang lampah utama nggih tyang anem jujur ing lampahira

mbangun turut mring sabdaning Allah

ngupadi Allah Ian gumolong ati wah ngandhemi prasetyaning Gusti

nyingkiri dosa, panerak, pamblunthah.

3. Gusti mugi ngirid lampah kula manut sabdeng suci ing salaminya

tansah karem gesang mursid nyata

cacading gesang kula kasingkirna temah kula temen trus ing manah

nindakken pranataning Sang Yehuwah,

4 Sabdaning Allah kang dadya dilah madhangi kula murih mursid tansah

nggih nuntun kula bekti mring Allah

kula supaos nedya den tetepi ngestokken sagung prentahe Gusti

tan wigih kangelan dugeng ing janji

Kidung Pasamuan Kristen 191. ANGGER- ANGGERE PANGERAN

1. Angger angger suci peparinging Gusti

sanyata sampurna,paring pangalaman

lan kawicaksanan wah nyegerken nyawa

dhawuhipun Allah mbingahken ing manah

wit patitis sayeti prentahe Pangeran

dhatengken kraharjan krana saestu murni

2. Ajrih sih mring Gusti yeku lampah suci lestantun slaminya,

sabdeng Kang Murbengrat leres tanpa cacat wah adil sadaya,

linangkung endahnya munjuli sesotya Ian sabarang kang peni,

dalah madu tala kasor raosira wit nengsemken ing ati.

3. Tyang setya ngabekti manut rehing Gusti karoban ing berkah,

sagung kang netepi dhawuh-sabdeng suci rineksa ing Allah,

sajroning panggodha wah yen den paeka tan sande linuwaran,

tyang mursid gesangnya wah tulusing driya kanggenan ing kabegjan

Kidung Pasamuan Kristen 192. UNDHANGNA SABDENG ALLAH

1. Panuntun lampah utama yeku sabdaning Allah

wulangna mring brayatira tan kendhat saben wayah

Reff :

bra undhangna sabdeng Allah paseksi sih rahmatnya

mrih samya manggih raharja sinungan gesang nyata

2. Pra lare tansah pinerdi mirengken sabdeng Gusti sarta tinuntun nindakna srana tuladha nyata

Reff :

3. Brayat saiyeg ngabekti ndedonga Ian memuji

nggegilut sabdeng sing swarga dhasaring gesangira

Reff :

4. Brayat nyawiji ing ati karem mring sabdeng suci

samya silih mbiyantoni ing gesang mursid yekti

Reff :

Kidung Pasamuan Kristen 193. MUNG SAWIJI KABEGJAN SEJATI

1. Lamun lampah kula neng padhanging sabda kula bingah wah suka rena,

Kula yakin estu Gusti nuntun temtu mring tyang kang pitados satuhu

Reff :

mung sawiji kabegjan sejati nggih pitados mring Gusti wah manut lan bekti

2. Yen peteng ing manah kabidhung ing susah kula enggal nilingken sabda,

uwas myang kuwatir mesthi gya sumingkir, angger pasrah ngayom ing sihnya

Re f r. :

3. Iba begja kula sajroning panggodha kiniyatken dening sabdanya,

rineksa tan dhawah wah tan ngantos lesah, wit saking sih rahmating Allah

Reff :

Kidung Pasamuan Kristen 194. SABDENG SUCI

1. Undhangna wrata sajagad sabdeng Injil Suci

nggih paseksining sih rahmat sabdeng Injil Suci

mrih saking manungsa sinung gesang nyata

reff :

sabdeng suci, sabdeng suci nggih sabdaning Gusti

2. Undhangna wrata sabumi sabdeng Injil Suci

margining tyang gesang yekti, sabdeng Injil Suci

pepadhang sanyata, panuntun mring swarga

reff :

3. Undhangna wrata sadonya sabdeng Injil Suci

margining tyang tuhu rarja sabdeng Injil Suci

adya putreng Allah, tansah sinung berkah

Reff :

4. Undhangna mring sagung bangsa sabdeng Injil Suci

margining tyang dugeng swarga sabdeng Injil Suci

ngayom Sang Pamarta ayem sinung begja

Reff :

Kidung Pasamuan Kristen 195. ISINING KITAB SUCI

1. Isining kabar kabingahan winangsitken dening Pangeran

dadya srana suka piwulang margining kautaman

reff :

dimen tyang pitados tansaha rumantos

mbangun turut Gusti nresnani sesami

2. Tyang lepat kraos winelehna dening sabdaning Kang Ma’kwasa

tyang dosa gya samya mratobat nampenana sih rahmat

reff :

3. Tyang lesah sinung lipur nyata karana kwasaning sang sabda

wewatekan mindhak utama wah kekah ing pracaya

reff :

Kidung Pasamuan Kristen 196. SABDANIPUN ALLAH

1. Sabdaning A1lah Hyang Widi yeku kitab suci

panuntuning gung manungsa mring lampah utama

wah mbereg mring pitobat tyang ngorong sih rahmat

nglipur manah kang sisah ngiyatken kang semplah

2. Mugi sabdanipun Gusti sinerat ing ati,

budi saya mindhak murni wit rehing Roh Suci,

tresna mring mengsah ugi wah dhateng sesami,

mbabar bebener nyata wah tentrem raharja.

3. Sabdeng Allah Maha tresna den undhangna wrata,

winulangna dhateng brayat ]an grengsenging tekad,

ing dalu, enjing, siang mrih tuwuhing iman,

tansah setya ngabekti klayan trusing ati.

Kidung Pasamuan Kristen 197. KEMBUL BUJANA SUCI

1. Kula sami sesarengan kembul bujana suci

yeku pratandhaning kurban nggih kurbanipun Gusti

roti anggur ibaratnya sarira miwah rahnya

2. Bujana suci puniki sesengkeraning Gusti,

ingkang den agem sarana ngrimat pitados kula,

temahan saged ngarosken tentrem rahayu langgeng.

3. Kembul ing bujana suci martosken sihing Gusti,

denya anglampahi seda dados panebus kula,

samangke kita nekseni dimen jagad ngugerni.

4 Mila kang sawiyah-wiyah tan pantes pisowannya,

kedah kanthi panalangsa nggetuni dosanira,

kalayan manteb ing manah ajrih asih mring Allah.

Kidung Pasamuan Kristen 198. PAMUJI ING BUJANA SUCI

1. Dhuh nyawaku sira saosa puji mring Pangeran Allah Kang Maha suci

sabatinku ngluhurna asmane dhuh nyawaku Yehuwah kamulyakna

aja lali mring gunging kadarmannya elingana sawiji wijine

2. Pujinen kang ngapura dosanira kang marasken sagung lelaranira

nebus uripmu saking antaka kang ngerobi sira klawan kawlasan

wah maregi umurmu Ian kadarman myang ngenomke kakuwatanira

3. Yehuwah paring adil kang sanyata mring saliring wong kang kinaniaya

saklangkung dennya sung palimirma agung sabare Ian sih kadarmannya

datan salaminya nggenira duka wah bebendunya den sirep nulya.

4. Sepira dhuwure langit sing bumi samono sih kadarmane Pangeran

mring wong kang nyaosi pangabekti sepira dohe kulon saka wetan

samono nggenira ngedohken dosa wah panerak sing tyang kang pracaya

5. Kadya welasing bapa mring anaknya mangkono Allah dennya asih darma

mring wong kang nyaosi pangabekti mila slamanya yogya den pepuji

kamulyane den caritakna yekti mrih sagunging manungsa ngabekti

6. Pangeran Yehuwah ambeg welasan wah tansah ngegungken ing kasabaran

sih susetyane langgeng slawase wah enggal sirep duka bramantyane

nging tansah ngluberken sih mring tyang dosa tyang kang lepat mesthi den apura.

Kidung Pasamuan Kristen 199. BUJANA SWARGA

1. Wonten ing bujana swarga taksih langkung panggenan

angger tyang dosa mratobat mesthi nggih sinuruhan

Gusti ngutus pra abdinya ngundhangken ing sajagad

dhateng sawarnining jalma kang ngrumaosi cacad

Reff :

Rungokna neng swarga isih luwih panggonan

wong dosa mareka sira kang sinuruhan

2. Bujana suci samangkya mbabar rasukan swargi,

anggur roti ibaratnya patunggilaning Gusti,

nggih kasucen, katentreman wah karahayon sanyata

miwah sih rahmating Allah kang ingundhangken tansah,

Refr. :

3. Mila swawi kanca kula samya marek mring Gusti,

kang tan nampik tiyang dosa kang adreng dados suci,

sinten rumaos klepatan wah kawratan ing dosa,

anilingna sabdeng Allah kang ngundhangken sih rahmat,

Reff :

Kidung Pasamuan Kristen 200. BUJANA SUCI

1. Bujana suci ngengetna mring sih rahmating Allah

anggur roti mratandhani korbane Sang Kristus Gusti

ngluwar kula sing pati temah langgeng basuki

2. Bujana suci ngengetna kurbaning Sang Pamarta

yogya tansah den undhangna ngantos Sang Kristus wus prapta

ngadili gung manungsa wah nyampurnakken greja.

3. Bujana suci nandhani tyang pracaya nyawiji

samya silih mbiyantoni ngudi kamursidan yekti

nggayuh ing kasampurnan tinunggil ing Pangeran.

4. Bujana suci ngengetna tyang Kristen neksenana

Allah rukun lan manungsa krana gunging sih rahmatnya

mila mbabarna tresna rukun lan gung pepadha.

Kidung Pasamuan Kristen 201. TIMBALAN NDEREK ING BUJANA

1. Gusti nimbali kula samya nderek ing sakramen bujana

nggih tetunggilan klayan Gusti sarta nyawiji lan sesami

sih sinihan binabar nyata silih leladi den tindakna

nging kula asring tan lampah tresna adhuh Gusti nyuwun pangaksama

2. Sakramen Bujana ngengetna kurbaning Sang Kristus Pamarta

anggur roti pratandha yekti margining tyang dosa basuki

tepang klayan Allah Masuci sarta rukun klayan sesami

nging kula taksaih asring perdondi adhuh Gusti kula nyuwun suci

3. Bujana kang suci nimbali pasamuwan samya nyawiji

lir badan kang namung sajuga namging kathah peranganira

wit niku paeksi sanyata Kristus Juru Slamet manungsa

nanging kula asring cecongkrahan dhuh Gusti ngapuntena mring kula

Kidung Pasamuan Kristen 202. BUJANA KANG SESTU SAMPURNA

1. Kula sung pamuji sokur konjuk Hyang Maluhur

kang nimbali kula samya nampeni nugraha

ndherek ing bujana suci, bujana sing swargi,

yeku karaharjan yekti nggih kamulyan adi,

mbenjang yen wus mlebet swargi ing Kratoning Gusti,

kula ndherek ing bujana kang sestu sampurna

Refrein:

Yogya disetya temen pracaya

ngestokken sabdanya tansah olah tresna

gesang kang sembada

2. Kula samya sung pamuji konjuk Hyang Masuci

nadyan kula kathah cacad rinoban sih rahmat,

pareng ndherek bujananya tunggil pra pracaya,

angger tan ndlarung ing dosa manut rehing donya,

mbenjang yen Gusti wus prapta ngadili manungsa,

kula ndherek ing bujana kang sestu sampurna,

Refrein:

Kidung Pasamuan Kristen 203. BUJANA KANG SUCI

1. Tumurun sing swarga adi karaharjan sayekti

pinaringken dening Gusti aneng bujana kang suci,

mareka tyang dosa sagung kang mratobat nyuwun tulung,

tampanana anggur roti pralambang panebus yekti

2. Sih kang tan ana tandhingan yeku kurbaning gesang,

dadya panebus sayekti mrih pra manungsa basuki,

timbangana klayan tresna mbangun turut trus ing driya,

ing mbenjang ndherek bujana kang sampurna aneng swarga.

3. Pisungsung pratandha tresna sumaos Sang Pamarta,

sinartan lampah utami labuh labet mring sesami,

ngudi sakatoging budi mrih pasamuwan nyawiji,

de yen sampun dugeng janji ndherek ing bujana swargi.

Kidung Pasamuan Kristen 204. PANDADAR ING BUJANA

1. Dhuh Gusti kula sung puji ing bujana suci niki

de ngraosken ing kraharjan wah kamulyan saking swarga

tetunggilan lan Pangeran yogya kula ndhandha gesang.

2. Dhuh Gusti kula nglenggana mring dosa nggih lepat kula

tan saged nguwalken dhiri sing rehing pati antaka

mung ngegungken sih Paduka Allah Kang Mahawilasa.

3. Dhuh Gusti kula ngakeni sih Paduka agung yekti

wit sedaning Kristus Gusti kula luwar saking pati

sinungan gesang sejati langgeng wilujeng ing swargi.

4. Dhuh Gusti kula nampeni sih rahmat luber sing swargi

kula sumarah pracaya nggih ngayom mring Sang Pamarta

dinadosken putreng Allah kang tansah numrahken berkah.

5. Dhuh Gusti kula prajanji wus mesthi kula tetepi

saos sokur datan kendhat tansah martosken sih rahmat

wah gesang mursid sayekti rameng gawe pamrih sepi.

Kidung Pasamuan Kristen 205. BAPTIS LARE

1. Gusti Yesus kula sami nyaosken lare alit

mugi Gusti maringana pratandhaning sih rahmat.

2. Mugi Gusti njurungana ing pandonga kawula, anak kula lestantuna dadosa kagunganta.

3. Anak kula agengira dadosa tyang utami,

lestantuna angsala sih sing Gusti wah sesami.

4. Mugi Gusti mitulungi kula tyang sepuhira,

kasagedna mulang yoga tansah bekti mring Gusti.

5. Gusti seda krana kula nggih krana anak kula,

sagung dosa ingaksama sami pinundhut putra.

6. Baptis suci mratandhani sih Paduka dhuh Gusti,

kang njalari gesang suci yeku anyaring budi.

Kidung Pasamuan Kristen 206. BAPTISIPUN LARE ALIT

1. Dhuh Rama mugi ngluberna berkah wonten ing satengahing pasamuwan,

dalah para anak kawula sowan nampeni prasetyanipun Allah.

2. Pasamuwan kadadosken suci wonten ing Asmaning Rama ing Swargi

pra lare ugi dados tyang piniji wah pinaringan gesang sayekti.

3. Sang Roh Suci wah sabda Paduka nuntun pra lare manteb ing pracaya

wit dosanya wus linebur binirat gesang mursid yekti wit sih rahmat.

4. Pra lare nggih misungsungken gesang de wus dados putreng Allah Pangeran

mbabarken tresna nyebar karaharjan leladi mring greja Ian bebrayan.

Kidung Pasamuan Kristen 207. NYAOSKEN YOGA

1. Gusti nimbali pra lare mrih sowan mesthi binerkahan sinung kraharjan

de pra lare kang tuhu ing pracaya yeku ingkang darbe Kratoning swarga

Refrein:

dhuh Gusti samangkya sowan kawula nyaosaken yoga dhateng Paduka.

2. Gusti nimbali pra lare mrih sowan nggih samya dados putraning prasetyan

de pra tyang sepuh kedah nggulawenthah nenuntun lare karem sabdeng Allah

Refr. :

3. Gusti nimbali pra lare mrih sowan dados gegelitaning pasamuwan

leladi mrih greja tuwuh ngrembaka wah bebrayan tansah tentrem raharja

Refr.:

Kidung Pasamuan Kristen 208. BAPTIS SUCI

1. Kawula samya bebingah memuji mring Allah,

kang ngluberken sih rahmatnya mring kula tyang dosa

wit panuntuning Roh Suci kula pitados mring Gusti

temahan manggih wilujeng sinung gesang langgeng.

2. Kawula ngluhurken Gusti yeku Sang Pamarta,

kang maringken baptis suci mring pra kadang kula,

kinekahna ing pracaya manggul salib klayan setya,

tansah martosken Injilnya mrih sesami begja.

3. Gusti maringken prasetyan mring pra lare ugi,

sinungan kawilujengan wah kamulyan swargi,

katandhan ing baptis suci kagulawenthah pinerdi,

nggih dadya putraning Allah kang numrahken berkah.

Kidung Pasamuan Kristen 209. KABINGAHAN WIT WONTEN BAPTISAN

1. Kabingahaning ati yekti tan wonten kang nglangkungi

de kadang kang kula kasihi nampeni baptis suci,

Reff

dhuh Gusti mugi tansah mberkahana mrih mbabarna pracaya,

nekseni asmaning Sang Pamarta wah gesang sembada.

2. Kraharjan kang ngerobi driya tan wonten timbangannya,

de anak kang kula tresnani nampeni baptis suci,

Refr:

3. Kabegjan kang kula tampeni tan saged den lironi,

de nadyan kula tyang kang dosa nging wus baptis samangkya,

Refr:

Kidung Pasamuan Kristen 210. RAWUHIPUN GUSTI

1. Dhuh Gusti kados pundi nggen kula sung urmat

methukken klayan puji mring ratuning jagad

mugi Gusti madhangi lantaran Roh Suci

mrih nggen kula ngabekti mranani mring Gusti.

2. Sing dhampar kang sejati nggih kamulyan swargi,

Gusti tedhak ing donya nunggil lan manungsa,

tumut nandhang sangsara ngrembat kasisahan,

ngrukunken tiyang dosa dhumateng Pangeran.

3. Punapa kang njalari dhuh Ratuning swarga,

Paduka rawuh mriki karsa nandhang papa,

mung sih piwlas Paduka dhumateng manungsa,

manggiha gesang mulya nunggil Ian Sang Rama.

Kidung Pasamuan Kristen 211. PAMUJINE MARYAM

1. Nyawa lan atiku bungah ngluhurken mring Allah.

dak pujekna kidung girang wit gunging kadarman,

de Allah wus ngudaneni asoring kang abdi,

lah panganggepe pra bangsa aku wong kang begja.

2. Gung luhur pakaryanipun wah asmanya suci,

sih rahmatnya run tumurun mring tyang ajrih asih,

pangwasa nggih kamulyannya binabarken nyata,

wit pakaryaning astanya nylametkan manungsa.

3. Wong kang seneng nggunggung dhiri tan bakal lestari,

dalah wong kang mengku kwasa tan langgeng rehira,

wit samya tinundhung kesah krana bramantyanya,

nging wong asor samya bingah linuhurken nulya.

4. Wong kang mursid ingeroban salir kang prayoga,

nging wong mursal tan keduman sihing Kang Makwasa,

pra abdine kaluberan sih rahmat tan kendhat,

wit prasetyane kang adya mring wong kang pracaya.

Kidung Pasamuan Kristen 212. PAMUJINING ZAKARIA

1. Pinuji Allah Makwasa

Gustine tyang kang pracaya

De umate tinuwenan

Pinaringan pangentasan.

2. Sunguning tentrem raharja

wus tuwuh wit Sang Pamarta

pinaringken mring umatnya

mring trahe tyang mursid nyata

3. Allah ngluwari umatnya

sing tyang remen ing duraka

wah netepi prasetyannya

sung nugraha mring manungsa

4. Pinuji Allah murbeng rat

nggih kang nglubema sih rahmat

temah tyang pracaya yekti

angabekti tanpa wedi

5. Tyang mursid nggih sru memuji

nggunggungnggurqgmg mring Hyang Widi

aneng sajroning kasucen

wah ngugemi ing kayekten

6. Turune tyang mursid yekti

dinuta mrih dadya nabi

yeku cecalaning Gusti

ngundhangken margi basuki

7. Margining rahayu yekti

mung sih rahmatipun Gusti

nggih pangapuraning dosa '

wit kwasananing Sang Pamarta

8. Sang Surya Enjing wus prapta

madhangi sagung manungsa

mrih tyang kang aneng pepeteng

samya manggih gesang langgeng

Kidung Pasamuan Kristen 213. PUJI KONJUK GUSTI

1. Puji konjuk Gusti ratuning swargi

Kang angesorken srira myang manjalma,

miyos wah sugengnya tansah nandhang sangsara,

mrih mulyakken jalma luwar saking dosa

Haleluya.

2. Puji konjuk Gusti Juru Basuki,

pra bala tantra swargi ramya muji,

wah sih rahmating Allah tumrah mring manungsa,

nggih tentrem rahayu binabar ing donya.

Haleluya.

3. Puji konjuk Gusti nggih Sang Pamarta,

kang gung sih Ian piwlasnya mring manungsa,

yogya sinaosan pisungsunging kamu!yan,

yeku bandha nyawa pisungsunging gesang.

Haleluya.

Kidung Pasamuan Kristen 214. TIMBALAN NULAD GUSTI

1. Pinuji tansah Allah Mamirah

kang asih darma mring gung manungsa

nladhani kita welas asih nyata

mring tyang kang ringkih wah nandhang sangsara.

2. Pinuji-puji Gusti Ma Suci

nging sung aksama dosaning jalma

nladhani kita tansah olah tresna

nyegah kekerasan remen ngapura.

3. Pinuji Gusti Kang Maha Kwasa

tendhak manjalma nebus manungsa

nladhani kita mbelani pepadha

mrih tyang papa cintaka manggih rarja.

Kidung Pasamuan Kristen 215. CAHYENG ENDAH

1. Iba endah cahyeng ratri kang nyunari jagad rat

duk praduta swarga prapti ngundhangaken sih rahmat

raharja prajalma kang sinungan kawaluyan

lantaran Sang Pamarta lantaran Sang Pamarta.

2. Puji konjuk Hyang Matresna kang melasi manungsa nglepataken sing bebendu asung tentrem rahayu manungsa sayogya ndherek muji Hyang Masuci langgeng ing salaminya langgeng ing salaminya.

Kidung Pasamuan Kristen 216. KANCA AGIYAKA

1. Kanca agiyaka muji Sang Pamarta kang nilar kamulyan ing swarga

tedhak ing donya dados bayi papa

Reff :

payo sujud ngabekti, payo sujud ngabekti

sung pisungsung panggunggung mring Gusti.

2. Kanca den tampia rawuhing Pamarta jroning manah srana pracaya,

mrih rukun tansah klayan Allah Rama.

Reff :

3. Kanca agiranga ngundhangken Injilnya, de Allah netepi prasetya,

ngentas manungsa sing kwasaning dosa.

Reff :

Kidung Pasamuan Kristen 217. LINTANG ENDAH

1. Lintang endah nyaritakna rawuhing ratu swarga

sagunging pra manungsa gya sowan asung sembah nyata

ratu swarga Maha mulya ngesorken sarira

karsa nebus manungsa

2. Lintang adi sung pawarti wiyosing bayi suci

tyang ngantya Sang pamarta dienggal ngabekti memuja

bayi suci yeku Gusti ngasta tentrem rarja

sinungken mring manungsa

3. Lintang mulya sru martosna juru slamet wus prapta

tyang remen kautaman ngaturna pisungsung pethingan

Sang Pamarta Maha tresna nuntun tyang pracaya

mlebet mring Kraton Swarga.

Kidung Pasamuan Kristen 218. YESUS KRISTUS RAWUH

1. Haleluya Yesus Kristus ngrawuhi manungsa

padhanging kamulyanipun kawuryan neng donya

2. Haleluya rawuhipun wit sih piwlasipun

mring para umat sadarum amrih gesangipun.

3. Haleluya Yesus Kristus dados Juru Slamet,

panutan kang setya tuhu tuwin ratu langgeng.

4. Haleluya, Haleluya Putranipun Allah

sampun miyos ing Betlekhem pinujia tansah

Kidung Pasamuan Kristen 219. WARTA KABEGJAN

1. Pra pangon kang winartan agung begja sing swarga sami kaeraman

saestu bingah ing manah de nyata wartanya Kristus sampun prapta.

2. Gumeter wit padhang mulya sakala sumunar, ing dalu punika,

nelakken tedhaking padhang sing swarga mring donya, jer Kristus wus prapta.

3. Gya bidhal mundhi dhawuhnya sanyata ing kandhang, Sang Timur pinanggya,

sawusnya sungkem ngabekti mring Allah memuji. wit Kristus wus prapti

4. Pra pangon sigra wewarta salir kang winartan, sami kaeraman,

wit kebabaring kabegjan mring )agad warata, de Kristus wus prapta.

Kidung Pasamuan Kristen 220. DALU SUCI

1. Dalu suci tidhem sami, Jeng Gusti Pamarta

tedhak manjalma krana kita miyos wonten kandhang Betlekhem

Gustining dumadi Gustining dumadi.

2. Dalu suci, tidhem sami, Jeng Gusti Pamarta,

nilar kamulyannya ing swarga wit tresnanipun mring manungsa

nladhani mring kita, nladhani mring kita.

3. Dalu suci, tidhem sami, Jeng Gusti maringi,

katentreman ing jagad raya ngrukunken manungsa sadaya

mila linuhuma, mila linuhurna.

4. Dalu suci, tidhem sami, Jeng Gusti Pamarta,

nucekaken tyang dosa sami wah. maringken gesang sejati

mila kaluhurna, mila kaluhurna.

Kidung Pasamuan Kristen 221. RAWUHING RATU TENTREM RAHARJA

1. Pra manungsa giranga mujia pra mudita

ratu nira wus prapta ratu ning tentrem raharja

pra manungsa giranga mujia pramudita

2. Gya ngidungna gung puji mring Gustining pra gusti

kang sung slamet mring jagad karana gunging sih rahmat

pra manungsa giranga mujia pramudita.

3. Gya ngluhurna Sang Mesih ratu swargi Maasih

nyirnakaken sangsara srana ngrembat sagung dosa,

pra manungsa giranga mujia pramudita.

Kidung Pasamuan Kristen 222. RAWUHING RATU SEJATI

1. Ratu mulya nging ngesorken srira krana karsa nylametken tyang dosa

nandhang papa wiwit wiyosira suket alum nggedhong Kang Sinuhun

pamakanan papan sarenipun langit bumi sung sembah pamuji.

2. Ratu yekti ratu saking swargi tedhak donya jumeneng Pantara

angrukuna Allah Ian manungsa pra mlaekat ngidung nggunggung Allah

de sih rahmat tumraha sumrambah karaharjan mring tyang sinarjonan.

3. Ratu suci ratu welas asih lintang adi surem krana sedhih

njerit nangis krana pokal wengis para bayi ing Betlekhem nagri

den pejahi dening iblis nraka jagad sepi wit sungkaweng driya.

4. Ratu nyata ngasta tentrem rarja mbirat dosa nyirnakken antaka

tyang mersudi kautamen yekti sowan Gusti asung sembah bekti

wah ngaturna pisungsung mirunggan tyang pracaya misungsungna gesang.

Kidung Pasamuan Kristen 223. ALLAH ASIH MARANG JAGAD

1. Kapireng swara gumyak ngumandhang saking swarga

paring wartos kabingahan tumrah mring pra manungsa

sestu AIlah tresna ngantos ngutus Putranya

maringken tentrem rahayu mring para wong pracaya

Reff :

Rungokna swaranya paring wartos basuki

Rungokna swaranya Pangeran asih mring jalmi.

2. Putreng Allah wus prepti dados Panebus yekti,

pra pangon kang winartosan bingah gya angupadi,

dununging Sang Bayi kadya wartos sing Gusti,

lumantar bala swarga lah yekti Allah tresna.

Reff :

3. Pra pangon kang wus manggya bayi yeku Sang Putra,

memuji miwah wewarta mring sakehing manungsa,

lah aja semaya marek mring Sang Pamarta,

mrih antuk gesang sejati tetunggilan Ian Gusti.

Reff :

Kidung Pasamuan Kristen 224. ADINING DINTEN NATAL

1. Dinten natal dinten adi wiyosing Sang Kristus Gusti

sumangga sumyak memuji sung pisungsung trusing ati

wah ngundhangken sih rahmatnya sarana tumindak nyata.

2. Dinten natal dinten suci dinten kabingahan yekti

nglipura tyang nandhang susah ngiyatna tyang semplah lesah

tyang kang gesang ing pepeteng den tedahna gesang langgeng.

3. Dinten natal dinten mulya dinten karaharjan nyata

mbelanana tyang sangsara mitulungi tyang kang papa

ngrukunna tyang samya dredah numrahna berkahing Allah.

Kidung Pasamuan Kristen 225. KANG PINILIH ING RAWUHE GUSTI

1. Betlehem ing Efrata saestu prasaja

nging pinilih ing Gusti dadya negri adi

dene neng kandhang kewannya miyosing Sang Pamarta

Allah sung waluya tan mawang manungsa.

2. Pra pangon tyang kang ringkih, asor, melas asih

winartanan mlaekat margining sih rahmat

de kang sinungan waluya mung kang rumaos dosa

Allah Maha Asih mbelani tyang ringkih.

3. Pra pandhita sing wetan tyang remen kraharjan

winedharan wewadi Gustining pra gusti

samukawis kang neng jagad nggih ngundhangken sih rahmat

tyang kang maspadakna manggih tentrem rarja.

Kidung Pasamuan Kristen 226. KAMULYAKNA

1. Kamulyakna Hyang Maagung ing suwarga ing suwarga ing suwarga

tentrem rahayu ana ing bumi ing manungsa kang sinarjonan

kluhurna Allah neng swarga kluhurna Allah neng swarga

tentrem rahayu ana ing bumi tentrem rahayu ana ing bumi

ing manungsa ing manungsa kang sinarjonan

ing manungsa kang sinarjonan kang sinarjonan

pinujia pinundhia Hyang Ma agung ing suwarga lan ing bumi

tentrem rahayu ana ing bumi ing manungsa kang sinarjonan

amin, amin.

Kidung Pasamuan Kristen 227. SANG PEPADHANG SEJATI

1. Sang pepadhang sejati samangkya wus prapti

nyirnakna rehing pati mrih jalma basuki.

2. Sang pepadhang sayekti wus rawuh ing bumi

mbirat kwasaning dosa sung tentrem raharja.

3. Sang pepadhang sanyata manjalma manungsa

ngasoraken pepeteng sung gesang kang langgeng.

4. Sang pepadhanging jagad rawuh sung sih rahmat

mrih tyang pracaya pasrah dadya putreng Allah.

5. Sang pepadhang satuhu rawuh jroning kalbu

nenuntun tyang pracaya nulad Sang Pamarta.

Kidung Pasamuan Kristen 228. SANG RATUNING KATENTREMAN

1. Bangsa kang mlampah neng pepeteng sumerep pepadhang langgeng

samya ngidungken kabingahan lir kraharjan ing panenan

de pasangan saha rembatan nggih panindhes kasangsaran

saestu sampun kasirnakna wit Sang Pamarta wus prapta.

2. Wus miyos Sang Bayi kang suci yeku ratu adil yekti

asmane sestu maha kwasa penasehat elok nyata

nggih Gusti Allah kang prakosa Rama kang langgeng slamanya

ratunipun tentrem raharja yogya tansah den pepuja.

Kidung Pasamuan Kristen 229. LINUHURNA

1. Gya Iinuhurna Gusti Pamarta karsa rawuh ing donya

Jagad bilai Kristus ngrawuhi swawi sami den pepuja

rawuhe Gusti datan ngadiIi malah ngluwari tyang dosa

2. Gya linuhurna Gusti Pamarta karsa mlasi manungsa,

jagad bilai Gusti ngrawuhi karsa nucekken tyang dosa,

dyan memujia saha mulyakna asmanipun Hyang Makwasa.

3. Gya linuhurna Gusti Pamarta ingkang karsa manjalma

jagad bilai Gusti ngrawuhi karsa ngentas tiyang dosa,

para pracaya sami tresnaa mring Gusti wah mring sesami

Kidung Pasamuan Kristen 230. KABINGAHAN INGKANG SEJATI

1. Kabingahan kang sejati ing riyadi natal niki

pasamuwan regeng yekti sesarengan angabekti

memuja, misungsung, ngaken dosa lan nyenyuwun

bingah bingah trusing manah sung kabegjan dhateng liyan

numrahna ! raharja wit wus prapta Sang Pamarta

2. Kabingahan kang sejati ing riyadi natal niki

brayat sami tetunggilan wah ngabekti sesarengan

ngundhangna Injilnya mrih salir tyang gesang nyata

ngluwarana tyang sangsara wah mbelani tyang prih ati

mrih samya rahayu wit Sang Kristus sampun rawuh

3. Kabingahan kang sejati ing riyadi natal niki

pepanggihan Ian pra mitra sesarengan aneng greja

memuji mring Gusti wah leladi mring sesami

angrukunna tyang congkrahan wah nyirnakna kamitegan

ngegungna sih tresna Kristus Gusti sampun prapti

Kidung Pasamuan Kristen 231. KAELOKAN SAYEKTI

1. Kaelokan sayekti Allah ngesorken dhiri dadya manungsa

papa miyos neng kandhang nistha nladhani sagung manungsa

welas asih tresna nyata ngapunten sagung lepat dosa

sayogya memuja Allah asih manungsa.

2. Mukjijad kang sejati Allah manjalma yekti

tanpa sipat bendara nging ngladosi pepadha

nladhani sagung manungsa labuh labet trus ing driya

ngarah gesang tentrem raharja

sayogya sudara ngegungna asih tresna.

3 Pangeram-eram nyata Allah dadya manungsa

ngrentahken sih rahmatnya mrih manungsa waluya

nladhani sagung manungsa mbelani tyang ringkih papa

nyirnakna panandhang sangsara

sayogya pra kanca mbabama tresna nyata

Kidung Pasamuan Kristen 232. KIDUNG DINTEN NATAL

1. Swawi kanca sumyak sung puja ing dinten adya punika

Sang Pamarta mangkya manjalma miyos dados bayi papa

wit gung sihnya mring manungsa karsa nylamet ken gung tyang dosa

2. Swawi kanca asung panggunggung aneng dinten natal agung

Allah wus ngluberken sih rahmat mring tyang dosa nggih mratobat

sagunging tyang pracaya pasrah dinadosken pra putrng Allah

3. Swawi kanca ngulukken puji ing dinten suci puniki

Allah nebus jalma sing pati mrih sinungan gesang yekti

Tansah dadya lantaran berkah tentrem rarja sumrambah tumrah

4. Swawi kanca ngaturken sembah aneng dinten natal endah

Allah ngruwat jalma sing dosa sinucekken gesangira

mrih dadosa seksi sembada Kratoning Allah tedhak donya.

Kidung Pasamuan Kristen 233. PANYUWUN MRING GUSTI ING DINTEN NATAL

1. Dhuh Gusti Sang Pantara kawula nglenggana

kadya Zakharia bapa tan manteb pracaya

mugi ing natal niki Gusti sung aksami.

2. Dhuh Sang Pamarta Gusti kawula ngakeni

kadya Herodhes raja watek kamitega

mugi ing natal dinten Gusti angapunten

3. Dhuh Gusti Yesus Kristus nggih adrenging manah

saged lir Maryam Yusup sumarah mring Allah

mugi natal kang adya nuwuhna pracaya.

4. Dhuh Yesus Kristus Gusti kula ngimpi-impi

saged lir pra pandhita sung pisungsung adya

mugi natal punika mbereg manah loma.

5. Dhuh Putreng Allah Yekti panyuwun kawula

tansah sareng mlaekat memuji tan kendhat

natal niki ndadosna mindhak ajrih tresna.

6. Dhuh Gusti Putreng Allah niyat kula tansah

lir pangen ing Yudea nekseni Pamarta

mugi natal puniki nyantosakken ati.

Kidung Pasamuan Kristen 234. ALLAH TUMEDHAK MANJALMA

1. Allah ngesorken srira wit nglabuhi jalma

manungsa tan waluya ngendelken dhirinya

mung karana tresna gesang tentrem raharja

tyang lepat tinuntun tobat sranaden apura.

2. Allah tedhak manjalma wit gung ing sih tresna

ngrukunken pra manungsa klayan sariranya

mung tyang wani ngalah luhur bebudenira

tyang kang remen karukunan sinihan Pangeran.

3. Allah ngurbanken srira wit gung ing sih rahmat

nimbali pra tyang dosa mrih samya mratobat

nggih remen kraharjan nyegah kadurakan

wah nyirik mring kekerasan ngegungken kawlasan.

Kidung Pasamuan Kristen 235. SANG RATU ADIL SEJATI WUS PRAPTI

1. Sang Ratu Adil sejati

samangkya sestu wus prapti

maringken tentrem raharja

tumrah mring sagung manungsa.

2. Nebus manungsa sing dosa

paring kasucening driya

mrih samya tresna-tinresnan

nebihana memengsahan.

3. Nyirnakken dayaning pati

wah malih nganyarken budi

mrih adil bebener yekti

den udi kang trusing ati.

4. Ngluberken gunging sih rahmat

nuntun tyang dosa mratobat

mrih salir tyang ingurmatan

cundhuk klayan kamanungsan

Kidung Pasamuan Kristen 236. ALLAH NUNGGIL MRING JALMI

1. Bayi kang tanpa kamulyan ginedhong neng pamakanan,

nging yeku Gustining pra gusti manjalma sung gesang yekti,

Reff :

Tansah pinuja Allah Mamulya kang ngasihi pra manungsa

tentrem raharja tumrah neng donya wit sang Pamarta wus prapta.

2. Tyang kang ngantya kaslametan winartan wartos kabegjan

pangluwaran sing rehing dosa srana nampi Sang Pamarta

Reff :

3. Tyang asor dalah tyang luhur sung pisungsung tandha sokur

mring ratuning swargi kang prapti yeku Sang Juru Basuki

Reff :

4. Yogya kula nggih memuji methukken rawuhing Gusti

mbikak manah mrih sinucekken temah manggih gesang langgeng

Reff :

Kidung Pasamuan Kristen 237. WIYOSIPUN GUSTI

1. Hosiana Gustiku rawuh saking ngaluhur

Hosiana Gustiku rawuh saking ngaluhur

Pra manungsa sajagad den paringi sih rahmat

gedhe cilik tan kliwatan payo muji Pangeran.

2. Hosiana Gustiku rawuh saking ngaluhur

Hosiana Gustiku rawuh saking ngaluhur

pra manungsa sadonya samya ingereh dosa

samangkya sinung apura wit Sang Kristus wus prapta.

3. Hosiana Gustiku rawuh saking ngaluhur

Hosiana Gustiku rawuh saking ngaluhur

pra manungsa sabumi samya winengku pati

samangkya sinung basuki dening sang Kristus Gusti.

Kidung Pasamuan Kristen 238. GLORIA KONJUK HYANG MAHA LUHUR

1. Sing saindenging bawana ngumandhang kidung puja,

methukken mring Sang Pamarta, kang manjalma neng donya

Gloria Allah Maha mulya Gloria Allah Maha mulya

2. Pujining kasukan nyata, pangluwaran sing dosa,

tentrem raharja neng bumi wit Sang Pamarta prapti,

Gloria Allah Mahamulya, Gloria Allah Mahamulya.

3. Kidung panggunggung mring Gusti, kang gung ing sih piwlasnya,

de rawuhnya tan ngadili nging nylametken manungsa,

Gloria Allah Mahamulya, Gloria Allah Mahamulya.

Kidung Pasamuan Kristen 239. RAWUHING SANG IMANUEL

1. Sang Imanuel gya prapta anglari sagung manungsa

li nuwaran sing naraka temah raharja slaminya

pra makluk wrata mujia Sang Imanuel gya prapta.

2. Gusti Panebus gya prapti netepi wecaning nabi

sagunging tyang kang pracaya pinaringan kraton swarga

pra makluk wrata mujia Sang Imanuel gya prapta.

3. Sang Pamarta tedhak donya ngrukunken sagung manungsa

kinen samya silih tresna mrih jagad tentrem raharja

pra makluk wrata mujia Sang Imanuel gya prapta.

Kidung Pasamuan Kristen 240. PAMUJI ING DINTEN NATAL

1. Pamuji mring Gusti kang trusing ati

ing dinten riyadi natal puniki

prihatosing driya ginantos bingah,

kuwatosing donya sirna wit berkah.

2. Pamuji tan kendhat mring Kang Murbengrat,

kang paring sih rahmat tumrah mring jagad,

nggesangken tyang semplah mrih nglawan pati,

ngiyatken tyang lungkrah mrih gesang suci.

3. Pepujen panggunggung konjuk Kang Magung,

kang ngutus Sang Putra dadya Pamarta,

nucekken manungsa sung gesang yekti,

nuntun tyang pracaya setya ngabekti.

4. Pepujen kang tulus konjuk Sang Kristus,

sing dhamparing swarga tedhak manjalma,

nuladhani kita wah sagung titah,

nandukken sih tresna dalah mring mengsah.

Kidung Pasamuan Kristen 241. WARTA BASUKI

1. Mring tyang asor wah tyang prasaja kang angantya mring Sang Kristus

Mlaekat sing swarga sung warta rawuhira Sang Panebus

mung bayi kang tanpa kamulyan ginedhong neng pamakanan

yeku Sang Mesih kang wineca nggih Allah kang manjalma.

2. Mring bayi papa tanpa pamor nging yektine Sang Pamarta,

sung abekti lan andhap asor miwah anteping pracaya,

kang nepangken jagad lan swarga ngrukunken Allah lan jalma,

wit nyirnakken dayaning dosa mila Gusti manjalma.

3. Mring tyang kang angantya Pirdus yekti tentrem raharja ing bumi,

bra undhangna warta basuki rawuhing Sang Kristus Gusti,

pujinen Allah Maha tresna sung Pamarta mring manungsa,

luhuma Allah Mawilasa de netepi prasetya.

Kidung Pasamuan Kristen 242. SANG PAMARTA WUS MANJALMA

1. Ing Betlehem kang tan aji wus miyos Sang Bayi

ratuning para ratu Gustining pra gusti

Reff :

rungokna kidung puja sing pra bala swarga

Sang Pamarta wus manjalma sung urip sanyata.

2. Sang Bayi papa lan sudra nging gung pangwasanya,

mbirat salir sangsara nyirep rehing dosa,

Refr.

3. Sang Bayi kang tanpa daya wit ngesorken srira,

mbabar jatining tresna yogya den tulada,

Refr

4. Sang Bayi jalma sampurna nggih bekti tan cacad

kang sung tentrem raharja wit gunging sih rahmat,

Refr

Kidung Pasamuan Kristen 243. RAWUHING RATU ADIL

1. Kabingahan kang sejati nyrambah ing bumi

Ratu adil sampun prapti jagad tentrem yekti

manungsa basuki makluk wrata saOs bekti.

2. Karaharjan kang sanyata tumrah mring manungsa,

Sang Pamarta wus manjalma ngrembat salir dosa,

nyimakken antaka sagung bangsa asung puja.

3. Kaslametan wit sih rahmat sinungken mring jagad,

Kristus prapta mbabar tresna temah tentrem rarja

rukun trusing driya salir titah muji Allah.

4. Warta adya tuhu warta sing Allah Matresna

Kristus Gusti mbikak swargi begja tyang pracaya

sinung gesang nyata yogya tansah den undhangna

Kidung Pasamuan Kristen 244. DALUADI

1. Dalu adi abyor cahyeng kartika dalu suci miyosing Pamarta

jagad raya kang risak wit duraka den pulihken pindha Pirdus mulya

pra manungsa kang sangsara wit dosa linuwaran mrih tentrem raharja

Refrein :

mangga sujud saOsbekti mring Gusti

dalu adi Panebus wus manjalma

dalu suci Sang Kristus wus prapta.

2. Dalu adi lintang panjer sung cahya, dalu suci rawuhing Sang Putra,

bayi suci rinengga kaapesan karsa mbikak korining kaswargan,

angrukunken Allah klayan manungsa

wah sung gesang sayekti sampuma

Refr :

3. Dalu adi Sang putra tedhak donya, dalu suci mlaekat sung puja,

kang Mamulya karsa ngesorken srira, ngrembat dosa mrih jagad slameta,

dayaning pati mangkya ingasorken,

pra manungsa sinung gesang langgeng

Refr :

Kidung Pasamuan Kristen 245. SANG RATU SWARGA PRAPTA

1. Kanca suraka agiyaka Sang Ratu swarga mangkya prapta

ngluwar kula sing bebandan salir kasusahan ing driya

mangkya dadya pamuji suka wit sang Putra sampun prapta

2. Samangkya swarga wus binuka jatining tresna binabarna

de Allah ngesorken srira Sang Pamarta tedhak mring donya

wah manjalma sami tyang papa nylametken sagung manungsa.

3. Pepadhanging jagad wus prapta sung sih rahmat mring pra manungsa

dimen samya wilujenga Kang Makwasa ngesorken srira

paring tuladha mring manungsa olah tresna trusing driya.

Kidung Pasamuan Kristen 246. SANGSARANIPUN GUSTI

1. Dhuh Yesus Gusti kula sinandhangan wirang

rikinarya makutha pinoyok tyang kathah

rinangket lir durjana, cinampah siniya

dhuh Allah punapaa, tan ngeman kang Putra.

2. Dhuh Yesus kang Masuci ingganggep durjana,

wit dosa kula ugi Paduka pinenthang,

sestu nggen kula getun de nglawan mring Gusti,

mugi Paduka tuntun mrih gesang utami.

3. Dhuh Yesus kang wineca jumeneng Pantara,

mugi pra kagunganta den tansah engeta,

sangsara Ian kwirangan nggih salib Paduka,

mrih tiyang dosa sami manggih gesang yekti.

Kidung Pasamuan Kristen 247. PAMUJI ING JUMAT AGUNG

1. Ing dinten adi puniki kula muji mring Gusti

kang dados juru basuki karsa ngurbanken dhiri

sinalib dumugeng seda nyangnggi bebendu ning dosa

mrih tyang pracaya waluya, rinukunken klayan Allah,

nggih dinadosken PutraNya cinadhang kraton swarga.

2. Ing dinten riyadi niki kula nggunggung mring Gusti,

kang gung tresnanya mring jalma ngantos nombokken nyawa,

kang nimbali pra pracaya nderek tunggil ing sedanya

nampik kepincuting dosa tansah ngudi gesang suci,

mbangun turut dhateng Gusti mrih asih trusing ati.

Kidung Pasamuan Kristen 248. SANGSARANING GUSTI

1. Saiba sangsaraning Gusti anyanggi bebendu

nadyan tan dosa nging sinami lir durjana satru

ingukum kisas nggegirisi tan kendat siniya

jinemalan lajeng kasalib anemahi seda.

2. Sanadyan Gusti tanpa dosa nglampahi pinenthang,

nggenNya ngrembat dosaning jagad tumanduk salir tyang,

nggenipun masrahaken nyawa dhasar dipun sedya,

karsanya nebus tiyang kathah nggih kula sadaya.

3. Gusti sinalib ambabarken sihe Allah Rama

ingkang Putra den tegakaken mrih kraharjan kula,

saiba sih piwlase Allah dhateng tiyang dosa,

sami pinaringan apura lantaran kang Putra.

4. Sinalibing Gusti ngosikken tyas kula sadaya,

ngraosaken labuh labetnya anombokken nyawa,

sestu kula rumaos begja tampi katresnannya,

prayogi yen kula wangsuli pitados wah bekti.

Kidung Pasamuan Kristen 249. GUSTI YESUS SINALIB

1. Gusti Yesus sinalib, sinrahken Allah priyangngga,

karsa nyangga paukuman myang laknat dados lintuning jagad.

2. Gusti Yesus sinalib sinami lan tiyang dosa,

nging yektine dosa duraka kita sinanggi ing sriranya.

3. Gusti Yesus sinalib ngurbanken srira pribadya,

mrih manungsa rukun klayan Sang Rama temah gesang raharja.

4. Gusti Yesus sinalib nyirnakken kwasaning dosa,

marginira rukuning sagung jalma tan mawang liyan bangsa.

5. Gusti Yesus sinalib nyirnakken dayaning pati,

tyang pracaya tinuntun gesang suci wah tresna trusing ati.

6. Gusti Yesus sinalib nepangken jagad lan swarga,

mrih pra jalma manjing putraning Allah dados margining berkah,

7. Gusti Yesus sinalib wit sing gunging sih tresnane,

prayogane kita ndherek tindaknya mbangun turut Sang Rama.

Kidung Pasamuan Kristen 250. KAPOTANGAN KULA DHATENG GUSTI

1. Dhuh Pamarta ingkang seda nebus kula saking dosa

temah kula dados putra ingkang darbe gesang nyata

dene kula nyaur napa? Dene kula nyaur napa?

Gusti sampun nebus kula dene kula nyaur napa.

2. Dhuh Pamarta ingkang seda sinalibken ing Golgota,

tinegakken dening Rama tombok nyawa krana kula,

dene kula nyaur napa? dene kula nyaur napa?

Gusti sampun tombok nyawa dene kula nyaur napa?

3. Dhuh Pamarta ingkang seda nyanggi bendu mikul dosa,

tedhak ing teleng antaka wit nglabuhi dhateng kula,

dene kula males napa? dene kula males napa?

Gusti nglabuhi mring kula dene kula nyaur napa?

4. Dhuh Pamarta kula ingkang seda ngurbanken rah tan srira,

nucekken gesang kula wah anyadhang kraton swarga,

dene kula saos napa? dene kula saos napa?

Gusti sampun kurban srira dene kula saos napa?

Kidung Pasamuan Kristen 251. YESUS ABDINING SANG YEHUWAH

1. Abdining Sang Yehuwah, yekti mung Yesus Gusti

kang sumuyud mring Allah sampurna suci

kang ngurbanken dhiri wit tresna yekti

mrih sesami raharja mulya ing swarga

2. Pindha cempening kurban kang pasrah tan suwala,

ing ngarseng pangadilan seksinya dora,

datan mbikak lathi milaur pati,

lila legawa tulus dados Panebus.

3. Sinami tyang duraka sinalib lir durjana,

sinengitan ing jagad tinampik umat,

sangsara sedanya wit ngrembat dosa,

mila tyang kang pracaya gesang raharja.

Kidung Pasamuan Kristen 252. LELABETANIPUN GUSTI

1. Kula rumaos kang trus ing batos

wit kula dosa Gusti sangsara

Reff :

Ooo kula tiyang kang kawlas asih

amlas arsa den labeti Gusti dugeng seda.

2. Kula getun sestu trus ing kalbu,

wit kula klentu Gusti sinapu,

Reff :

3. Kula ngakeni kang trus ing ati,

wit kula ndlarung Gusti pinenthang,

Reff :

4. Kula nglenggana trus ing wardaya,

wit kula duraka Gusti seda,

Reff :

Kidung Pasamuan Kristen 253. NENG GETSEMANE

1. Neng taman Getsemane Gusti nyangga siksa miwah bebendu

nglawan pagirising pati krana gunging dosaku

Reff :

yogya nggonku nanggapi sih rahmate Gusti

yekti amung sawiji pracaya lan bekti.

2. Gusti Kristus ingewan-ewan ginebagan sarta sinapu,

srirane nandhang kanisthan krana gunging dosaku,

Reff :

3. Gusti sinami Ian durjana nir pamore ratuning ratu,

dadya kurban tan suwala krana gunging dosaku,

Reff :

4. Gusti sinalib ing Golgota wit sih tresnanya kang satuhu,

seda tedhak mring naraka krana gunging dosaku,

Reff :

Kidung Pasamuan Kristen 254. YESUS YEKTI PAMARTA

1. Yesus Sang Pamarta yekti wus ngawonken pati

sanadyan sinalib seda nanging wungu nulya

pindha wiji kang katanem lir sirna krana kapendhem

nulya tuwuh Ian ngrembaka sarta angrebda wohira

Gusti wungu unggul sing antaka.

2. Yesus yeku yekti Gusti ingkang mengku gesang,

pra pracaya nggih pra suci tan ajrih sumelang,

yen sisah tan nganti semplah krana Gusti nunggil tansah,

yen katempuh kasangsaran Gusti paring pangluwaran,

wusananya sampurna ing swarga.

3. Yesus Gusti kang Mamulya, ngutus pra pracaya,

kinen angurbanken dhiri nglabuhi sesami,

mrih jagad anyar binabar tentrem raharja tan samar,

nulad Gusti ing karyanya kang sampun ngurbanken srira,

wit tresnanya mring sagung manungsa.

Kidung Pasamuan Kristen 255. SANG KRISTUS MANUNGSA SAMPURNA

1. Manungsa sampurna yekti yeku Kristus Gusti

mbabarken tresna nyata srana kurban nyawa

sangsara dumugeng seda nebus gung manungsa

temahan samya waluya luwar sing antaka

2. Sang Kristus jalma sampurna mbabar tresna nyata

saliring tyang den tresnani dalah kang mengsahi

tan nandukken kekerasan ngegungken kadarman

yogya samya den tuladha olah tresna nyata.

3. Sang Kristus manungsa suci citreng Allah yekti

labuh labet mring sesami leladi lir abdi

sinalib nggih den lampahi mrih jalma basuki

lampah gesang gung utami mung nulad mring Gusti.

Kidung Pasamuan Kristen 256. MANDENG YESUS KANG KASALIB

1. Mandeng Yesus yeku Gusti

kang sinalib wah ngemasi

sirna gumunggunging ati

nging ngorong mring urip suci.

2. Neng ngarseng salibing Gusti

drajad, bandha tan pangaji

kang utami wung sawiji

gesang lan wilujeng yekti

3. Sihing Gusti sestu agung

tan saged kula sung liru

yogya kang dadya pisungsung

jiwa raga bekti sestu.

4. Yesus Masuci sampurna

pinenthang wit nebus kula

tuladhaning olah tresna

mring tyang nyatru wah pra mitra.

Kidung Pasamuan Kristen 257. ING GOLGOTA

1. Sinalib ing Golgota Putraning Allah seda

wit dadya kurban sanyata nggih ngruwat manungsa dosa

naraka wah antaka kwasane den sirnakna

saliring tyang winenganan korining Kraton swarga

Refrein:

ing Golgota Gusti seda marginira gung manungsa

mardika gesang nyata.

2. Sinalib ing Golgota Putraning Allah seda

nyulihi sagung manungsa anyanggi bebendu dosa

nyirnakken rehing pati mbabarken tresna yekti

wah nepangna jagad swarga mrih gesang tentrem rarja,

Refrein:

Kidung Pasamuan Kristen 258. KEMENANGANING TRESNA

1. Sang Kristus Ma suci nging sinalib ngemasi

wit pangadilan tan adil wah seksine dora

jagad ngumbar kekerasan lan dosa

de Sang Kristus mbabarken tresna nyata

Reff :

Kristus seda den paeka nging wungunya yeku tandha kemenanganing tresna.

2 Sang Kristus Ma asih tetulung sepi pamrih

ngluwari tyang kang sangsara nglipur tyang kang sedhih

nging jagad nganggep Kristus madeg kraman

temah Kristus sinalib lir durjana,

Reff :

3 Sang Kristus Mamirah tansah ngluberken berkah

nindakken mukjijad margine sih rahmat tumrah

nging jagad nganggep nyenyamah mring Allah

Kristus Sinalib sinami tyang mblunthah,

Kidung Pasamuan Kristen 259. RAHE GUSTI PANEBUS YEKTI

1. Nadyan Gusti suci tan dosa nging sinalib sami durjana

dadya kurban ingkang sampurna ngruwat manungsa

Reff :

rahe kang suci panebus yekti

sagung dosa Iinebur sirna angger pracaya.

2. Aneng salib Gusti siniksa, wah tinegakken Allah Rama,

pegat nyawa tedhak mring nraka, krana manungsa

Refr.:

3. Nir kamulyan kwasaning Gusti, tanpa aji nggene ngemasi,

wit karsa mbikak kori swargi, kangge pra jalmi,

Refr.:

Kidung Pasamuan Kristen 260. SANG KRISTUS GUSTI

1. Sang Kristus Gusti Maha mulya tedhak mring bumi Ian manjalma

ngesorken srira pindha abdi ngruwat tyang dosa mrih basuki

Reff :

pra tyang pracaya bra wartakna Injil kang suci salaminya

tan ajrih geter was ing driya wit Gusti nganthi salaminya.

2. Sang Kristus Gusti Mahasuci, sinalib seda ngrembat dosa,

manungsa rukun lan Sang Rama, tan nate lesah ing wardaya.

reff :

3. Sang Kristus Gusti sampun wungu, dayaning pati kawon sestu,

gesang sejati binabarna, mrih tyang sabumi araharja.

reff :

4. Sang Kristus Gusti munggweng swarga nggih tansah nganthi kagungannya,

mrih unggul yuda nglawan dosa, temah sampurna gesangira,

reff :

Kidung Pasamuan Kristen 261. TINEBUS BABAR PISAN

1. Uwal sing laknat kabegjan kita Gusti wus seda ambirat dosa

temah luwar sing paukuman pangluwaran babar pisan

Reff :

babar pisan dennya nulungi babar pisan dennya ngasihi

rumaketa ing pamenthangan mesthi luwar babar pisan.

2. Saiki kita padha mardika Gusti wus nanggel ing slamet kita,

linuputken sing karusakan sinuceken babar pisan,

reff :

3. Putrane Allah sebutan kita kang tilas nyatru pinundhut putra,

kang pinaringan urip anyar wit tinebus babar pisan,

reff :

Kidung Pasamuan Kristen 262. PANGLIPUR KANG SEJATI

1. Panglipur ingkang sejati mung sih rahmate Gusti

Sang Kristus kang tanpa dosa dados kurban sampurna

sinalibken temah seda tinegakken Sang Rama

ngruwat nglebur sagung dosa mbikak margining swarga

ngruwat nglebur sagung dosa mbikak margining swarga.

2. Panglipur ingkang sejati mung sih rahmate Gusti,

Kristus Panebus satuhu samangkya sampun wungu,

lebur pangwasaning dosa nir dayaning antaka,

Kristus mulya munggweng swarga dyan jumeneng pantara,

Kristus mulya munggweng swarga dyan jumeneng pantara.

3 Panglipur ingkang sejati mung sih rahmate Gusti,

salir tyang winengku pati sinungan gesang yekti,

ndherek seda Ian wungunya ndherek ing kamulyannya,

ngrucat sagung gesang lami gesang enggal gumanti,

ngrucat sagung gesang lami gesang enggal gumanti.

Kidung Pasamuan Kristen 263. ETUKING KARAHAYON

1. Wonten rah kang suci mancur neng ardi Golgota

nggih rahipun Gusti Yesus kang ngicalken dosa

kang ngicalken dosa kang ngicalken dosa

nggih rahipun Gusti Yesus kang ngicalken dosa.

2. Wonten rah kang suci mili neng Golgota ardi,

rahing Putranipun Allah sung gesang slaminya,

sung gesang slaminya sung gesang slaminya,

rahing Putranipun Allah sung gesang slaminya.

3. Mblabar rah Suci tan dosa ing salibing laknat,

rahing kurban kang sampurna ngluberken sih rahmat,

ngluberken sih rahmat ngluberken sih rahmat

rahing kurban kang sampurna ngluberken sih rahmat.

4. Wonten rah kang suci wutah ing salib kang nistha,

rahing kurban kang sejati kang nuntun mring swargi,

kang nuntun mring swargi kang nuntun mring swargi,

rahing kurban kang sejati kang nuntun mring swargi.

Kidung Pasamuan Kristen 264. MANDENG SALIB

1. Srana mandeng salib ing Sang Kristus Gusti salir tyang darbe gesang yekti,

wit Putraning Allah wus sinalib seda ngrembat laknat dosaning jagad

Reff :

Swawi den pandeng srana mandeng salibing Sang Kristus Gusti salir tyang darbe gesang yekti.

2. Srana mandeng salibing kurban sejati, salir tyang gesangnya raharja,

was sumelang wah ajrih wus tan ndayani, wit winengku rahmating Gusti,

Reff :

3. Srana mandeng salibing Panebus yekti, salir tyang gesangnya utami,

tansah ngarah kasampurnan aneng swargi, nilar sagunging gesang lami,

Reff :

Kidung Pasamuan Kristen 265. SALIBING SANG PAMARTA

1. Sinalib ing Golgota temah dugeng seda

Yesus kang tanpa dosa nebus gung manungsa

Reff :

Salibing Pamarta tuladha sanyata

mbelani mring sesami wit tresna sayekti.

2. Yesus rinoban siksa sinami durjana,

wit ngrimati tyang nandhang nulung tyang sangsara,

Reff :

3. Kristus ingewan-ewan siniya mrih mati,

wit nandukken katresnan mring tyang kang mengsahi,

Reff :

4. Gusti siniya-siya ingina tan kendhat,

wit ngasihi tyang dosa nuntun mring pitobat,

Reff :

5. Sang Mesih den gebagi tinaton sliranya,

wit tan pamrih nglabuhi bener adil nyata,

Reff :

Kidung Pasamuan Kristen 266. SIHE ALLAH

1. Wit A1lah asih manungsa, masrahken Putranira

dados kurban kang sampurna sinalib dugeng seda,

sih rahmat kang lelahanan nylametken babar pisan

angger tyang purun pracaya luwar sing pati ing nraka

Allah asih manungsa pinujia slaminya.

2. Punika sih kang ngeramken yogya dipun tampeni,

tyang dosa karukunaken manjing putreng Hyang Widi,

gung dosanya ingaksama sinantunan budinya,

nilar pratingkah nistha nglampahi pakarti mulya,

Allah asih manungsa pinujia slaminya.

3. Punika sih ingkang nyata wit Allah tansah setya,

lamun tyang nilar sih rahmat tinuntun mring pitobat,

dimen tansah gesang suci ngarah ingkang utami,

nggih'kasampurnan ing swargi langgeng tunggil klayan Gusti,

Allah asih manungsa pinujia slaminya.

4. Punika sih kang sejati nggih sihe Allah Rama,

nitahken gesang sejati tansah mbabarken tresna,

tetulung sepi ing pamrih ngaksama trusing galih,

tansah ngarah ing kraharjan wonten ing gesang bebrayan,

Allah asih manungsa pinujia slaminya.

Kidung Pasamuan Kristen 267. WUNGUNIPUN GUSTI

1. Swawi pra kanca girang memuji Kristus sinalib wus wungu yekti

Pamarta kita wungu sanyata mangkya jumeneng ratuning gesang

Gusti Panebus prange wus unggul, pati wus kalah kwasane sirna.

2. Tyang Kristen samya girang memuja, dene bebendu pawehing dosa

wus sirna estu wit Gusti wungu mung karaharjan sarta kabegjan

sinungken kita sing Sang Pamarta wungune Gusti yeku panjernya.

3. Swawi pra kanca girang memuja Sang Kristus Gusti unggul sing pati

nunggil mring kita tyang kang pracaya Kristus panjernya tangining raga

gesang sampurna neng Kraton swarga mung nggunggung tansah ngluhurken Allah.

Kidung Pasamuan Kristen 268. WUNGUNIPUN GUSTI PANGLIPUR KULA

1. Gusti wungu sing seda sampun ngawonken antaka

wungune Sang Pamarta panjernya tangining raga

ngrasuk gesang sampurna yeku panglipur kula.

2. Gusti wus wungu yekti jumeneng ratu ing swargi

sagunging tyang pracaya nggih ndherek ing kamulyannya

niku prasetyan nyata yeku panglipur kula.

3. Gusti wungu sanyata mangkya jumeneng Pantara

tyang kang temen pracaya rineksa sing rehing dosa

temah ayem ing driya yeku panglipur kula.

4. Gusti wungu saestu jumeneng Panebus tuhu

nadyan tyang memoyoki nging kanyatan dadya bukti

Gusti nganthi slaminya yeku panglipur kula.

Kidung Pasamuan Kristen 269. PAMARTA KULA AGESANG

1. Pamarta kula agesang tyas kula mila agirang kang sinalib gesang,

dennya seda krana kula wungune dados panjernya, kula ndherek gesang